Lucas 9:28 - Kalin Apo Dios

²⁸ Nallos nan waay esay domingo dat ayagan Jesus da Pedro, Juan ya si Santiago et omeyda menlowalo isnan bilig.

Lucas 9:28 Iomraidhean Croise

Salmo 109:4

Olay no laylaydek ya ilol-owalowak daida et pabasolenda kayet sak-en.

Mateo 14:23

Idi inpasaana daida daet mentikid isnan bilig ta menlowalo. Nalabi et daan si Jesus isnan bilig

Mateo 5:1

Inilan Jesus nan adoado ay ipogaw ay omey ken siya dat tomikid isnan bilig danat itokdo et somag-en nan papasolotna ken siya.

Marcos 1:35

Isnan tan-o dat bomangon si Jesus et omey isnan bilig ay menlowalo.

Marcos 6:46

Nakapakadada pay ken siya dat omey si Jesus isnan bilig ta menlowalo.

Lucas 3:21

Issan nangbonyagan Juan issan kaipoipogaw dat menpabonyag abes si Jesus. Issan nabonyagan Jesus dat menlowalo ken Apo Dios et issan menlol-owalowana et napewak id daya dat lomayog nan Ispirito Santo ay kaneg kalapati et pomatong ken siya. Dat wada nan kali ay nagapo id daya ay mangwani en, “Sik-a nan Anakko ay laylaydek. Men-galalasingak gapo ken sik-a.”

Lucas 5:16

Ngem no mamingsan et komaan si Jesus tay omey isnan bilig ay menlowalo.

Lucas 6:12

Issan esay agew tinmikid si Jesus isnan bilig ta omey menlowalo danat ilalabi ay menlol-owalo ken Apo Dios.

Lucas 8:51

Inomdanda issan baey et maid inpasgep Jesus is teken ay ipogaw nodi kedeng da Pedro, Juan, Santiago ya san aman ya inan nan onga.

Lucas 9:18

Isnan namingsan ay kedkedeng da Jesus ya nan papasolotna dat menlowalo si Jesus. Nakwas pay ay makalowalo danat sooten ken daida, “Ay ngan nan pangwanin nan ipogaw ken sak-en?”

Juan 6:3

Tinmikid si Jesus ya nan papasolotna isnan bilig dadat tomokdo.

2 Corinto 13:1

Siya na nan maikatlo ay omayak ken dakayo. Kanan nan naisolat isnan kalin Apo Dios en, “No waday mangidalom isnan ib-ana et masapol ay waday dowa wenno tolo is mang-aboloy isnan katet-ewana.”

Hebreo 5:7

Inpailan Jesus ay maibagay siya ay mang-ik-ikkan isnan oblan nan kangatowan ay padi tay isdin nganngani ay mateyana isdin kad-ana isnan naay ay batawa et dadama nan ninlowalowana ken Apo Dios ay makabael ay mangisalakan ken siya ta no mabalin koma et adi matey. Palalo ay nin-ag-aga ngem egayna inpapati nan kayatna nodi inpalobosna ay nan am-in ay layden Apo Dios nan masapol ay matongpal. Isonga dinngen Apo Dios nan lowalona.

2 Pedro 1:16

Nan ibagbagami ken dakayo ay maipanggep isnan kabaelan Jesu Kristo ya nan kasina omaliyan et baken aped sodsodok. Nodi tet-ewa tay inilami nan pilmi ay kabaelana.