Lucas 8:35 - Kalin Apo Dios

³⁵ Dat omey nan nangdenge et enda ilan nan inommat dadat datngan san lalaki ay tinaynan di anito ay tinmotokdo isnan sag-en Jesus et ninbabado dadlo dapay gawis nan nemnemna dadat menkakikibtot am-in.

Lucas 8:35 Iomraidhean Croise

Salmo 51:10

Apo Dios, boliwem kad nan nadalos ay nemnem ken sak-en ta menbalinak ay managtongpal.

Isaias 53:12

Isonga agtak is nangato ay saadna ay maibagay isnan nangato ya masilib ay aamam-a. Tay iniidyana nan biyagna dapay maitapi isnan dosan nan ninpatpatey. Insaopna nan ado ay managbasol danapay ilowaloan daida ta mapakawanda.”

Mateo 4:24

Nindinamag nan inikkan Jesus isnan am-in ay ili ay sakop nan Siria isonga dadat eyey ken siya nan ipogaw ay wada nan sakitda ay kaneg nan kinapet di anito ya nan menkedas ya nan napilay et inpagawisna am-in daida.

Marcos 5:15

Dadat datngan da Jesus dadapay ilaen san am-ama ay kinapet di anito ay ninbabado dadlo dapay ginmawis nan nemnemna. Dadat menkakikibtot.

Lucas 10:39

Wada nan innodin Marta ay si Maria ay mangdedenge isnan isolsolon Jesus.

Lucas 15:17

Dat dadlo mennemnem et kanana en, ‘Am-in nan baan Ama et mapnekda ay mangan dapay apedak wada isna ay matmatey is owatko.

Lucas 2:46

Isnan maikatlo ay agew, dinas-anda siya isnan Templo ay makitotokdo isnan men-is-isolo isnan linteg. Dedengngena nan kankananda dapay mensos-oot ken daida.

Lucas 8:27

Dinmaka si Jesus isnan benget di baybay dat sab-aten nan esay lalaki ay kinapet di anito. Tawaw nan inidyada issan lalaki et nabayag ay aped menlalabos ya adi kasala isnan baey ay aped nan lil-iyang ay kad-an di natey nan nintet-eeana. Et nabayag ay pinalpaligat san anito siya et olay ibalodda ya galotenda nan ledengna ya sikina is kawal, mensokpotna kayet dat patagtagen san anito siya isnan pondag. Issan nang-ilaana ken Jesus nin-owakis dapay menlokbob isnan sasagangena danapay ibibiyad ay mangwani, “Jesus ay Anak Apo Dios ay kangatowan, ay ngan di ngotom ken sak-en? Maseg-angka ta adika mangdosdosa.” Kinwanina di tay inbilin Jesus en komaan san makedse ay anito ken siya.

Lucas 8:34

Issan nang-ilaan san mangbanbantay isnan beteg issan inommat dadat tomagtag et omeyda ibaga isnan kailiili.

Aapostolis 22:3

“Sak-en et Judiowak. Naiyanakak id Tarso ay esay ili isnan probinsiya id Cilicia. Ngem id isna Jerusalem nan nasiknak. Si Gamaliel din mistolok ay nangisolo ken sak-en am-in isnan linteg din alal-apo tako ay Judio. Napigsa nan pammatik ken Apo Dios ay kaneg ken dakayo abes id isna.

1 Juan 3:8

Ngem nan ipogaw ay mangitoltoloy ay bomasbasol et ipogaw Satanas. Tay basol nan sigod ay ogalin Satanas enggana isdin gapgapona. Ngem inmali nan Anak Apo Dios isnan batawa tapno kaanena nan kabaelan Satanas ay mangpabasbasol isnan ipogaw.