Lucas 7:44 - Kalin Apo Dios

⁴⁴ Dat ilaen Jesus san babai danat kanan ken Simon, “Ay iilaem nan babai ay naay? Sinangailim sak-en isnan baeymo ngem maid inbaam is mang-owas isnan sikik dapay siya nan ogali tako ngem si tona et inowasana nan sikik isnan agana danapay iponas nan bookna.

Lucas 7:44 Iomraidhean Croise

Genesis 18:4

Mangseseed kayo isnan poon di kaiw ay naay ta eyak omala is danom is idenasyo

Genesis 19:2

et kanana, “Gagayyem, pangaasiyo ta entako isnan baeymi ta siya nan omapaanyo ta mawakgat esakayopay itoloy ay omey is ayanyo.” Dadat kanan, “Adi. Olay maseyep kami isnan naay sag-en di soban.”

Lucas 7:38

Dat menpalintomeng isnan kad-an Jesus ay men-ag-aga dat mentedted nan agana isnan sikin Jesus. Danat ponasan isnan bookna danat bisitowen danapay bokbokan is bangbanglo.

Lucas 7:43

Sinmongbat si Simon en, “Kanak en waay san ad-ado nan otangna ay nakaan.” “Tet-ewa nan songbatmo,” kinwanin Jesus.

Juan 13:5

Danat pay-an nan palanggana is danom et denasana nan papasolotna danapay ponasan issan towalya ay inbalikesna.

1 Timoteo 5:10

Masapol abes ay waday mangpaneknek isnan gawis ay inik-ikkana ay kaneg nan gawis ay nang-ay-ayowanana isnan an-akna ya isnan in-inmey ken siya ay sangailina. Egayna saksakiten ay nang-ik-ikkan isnan naibab-aaana. Binadbadangana nan napaligatan ay ipogaw. Ninemnemnemna ay pilmi nan gawis ay ikkan isnan am-iam-in ay inik-ikkana.

Santiago 2:6

Ngem dakayo et ngawi nan ik-ikkanyo isnan kodokdo dayopay ipapangato nan babaknang. Dapay daida nan mangsos-owitik ken dakayo ya mangidaldalom ken dakayo isnan menlelebbeng.