Lucas 7:38 - Kalin Apo Dios

³⁸ Dat menpalintomeng isnan kad-an Jesus ay men-ag-aga dat mentedted nan agana isnan sikin Jesus. Danat ponasan isnan bookna danat bisitowen danapay bokbokan is bangbanglo.

Lucas 7:38 Iomraidhean Croise

Genesis 18:4

Mangseseed kayo isnan poon di kaiw ay naay ta eyak omala is danom is idenasyo

Salmo 38:18

Ipodnok et nan kinadakesko ya ibabawik nan basolko.

Salmo 51:17

nodi nan daton ay mangpagasing ken sik-a, Apo Dios, et nan kinapakombaba tay adim iiyawen nan nababa ya managbabawi.

Isaias 61:3

Inbaana gedan sak-en ay mangpagasing ya mangpalagsak isnan menseseg-ang ken daida. Masokatan nan babawida is gasing et kanegda menbado is gasing ya dayaw. Awnitda kan-eg nan makneg ay kaiw ay inis-ek nan apo mismo. Dadat am-in ikkan nan osto et maidaydayaw si Apo Dios

Jeremias 31:9

Awnit men-ag-aga nan ipogawko ay somagong dakpay liwliwaliwen daida isnan mang-isagongak ken daida. Awnitak ipango daida isnan sag-en di danom. Ipangok gedan daida isnan mendawes ay daan ta adida maisogsogto tay sak-en nan aman di Israelita et si Efraim nan iyon-ada.

Joel 2:12

Kankanan nan apo en, “Ngem olay id wani et somagong kayo ken sak-en ay menbababawi, menteptepe ya men-ag-aga.

Zacarias 12:10

Awnitak pabalinen nan ap-on din si David ya nan iJerusalem ay managseg-ang ya managlowalo. Dadat ilaen nan dinoy-okda dadat ilemet ay kaneg nan men-ilemetan di nateyan is bogbogtong ay anak. Pilmi nan ikkanda ay menbabawi ay kaneg nan ikkanda no matey nan damo ay anakda.”

Mateo 5:4

Nagasat nan menseseg-ang gapo isnan basbasolda tay awnit liwliwaen Apo Dios daida.

Lucas 22:62

Menbabawi si Pedro issan nangisotana ken Jesus isonga dat bomala et men-ogaog.

Lucas 6:21

Nagasat kayo ay manglaylayad ay mang-ikkan isnan layden Apo Dios tay awnit kayo mapnek. Nagasat kayo ay menseseg-ang gapo isnan basolyo tay awnit kayo men-gasgasing.

Lucas 7:37

Issan deey ay ili et wada nan babai ay managbasol. Idi dinngena ay wada si Jesus ay makikikan issan baey di Fariseo dat omey ay mangikakawit isnan gawigawis ay palanggo ay kad-an di nangina ay bangbanglo.

Lucas 7:39

San Fariseo ay nang-ayag ken Jesus et inilana danat kanan isnan nemnemna, “No tet-ewa ay mamadtona et getkena koma no ngan nan kaipogaw nan babai ay naay ay manggeg-een ken siya.”

Santiago 4:9

Masapol ay menseseg-ang kayo ya men-aga kayo gapo isnan basbasolyo. Adi kayo aped men-gasgasing ay adi mangnemnem isnan basbasolyo nodi mabain kayo.