Lucas 7:12 - Kalin Apo Dios

¹² Omdanda pay isnan soban di ili dadat sab-aten nan mabob-oweg ay omey mangikaob isnan natey. San deey lalaki ay natey et dalos kedkedeng is anak nan esay balo isonga adoado nan omili ay binmadang.

Lucas 7:12 Iomraidhean Croise

Genesis 22:12

Dat kanan san anghel, “Ibadengmo nan gipan. Adim og-ogadan nan anakmo tay getkek ay tongtongpalem si Apo Dios tay adim iyimot nan laylaydem ay anakmo ken siya.”

Genesis 22:2

Dat kanan Apo Dios, “Ayagam nan kedkedeng ay anakmo ay si Isaac ay laylaydem ta omey kayo id Moria et awnit itdok isdi nan bilig ay omayanyo dakat pateyen siya ta poowam ay mang-idaton ken sak-en.”

1 Aali 17:12

Dat kanan san babai en, “Gegetken nan apo ay manakabalin ay Diosmo en kolakolang nan makanmi. Sinkagemgem ay alina et kedeng ya atiatik ay mantika nan nababay-an. Mamatpatingak is atiatik ay pating ta pang-otok isnan naay maodi ay mangananmi isnan anakko et awnit kami et matey.”

1 Aali 17:18

Dat kanan san babai ken Elias en, “Ipogaw Apo Dios sik-a isonga ommat na ken sak-en. Waay obpay inmalika ay mangipanemnem isnan basbasolko isnan mateyan nan anakko.”

1 Aali 17:23

Dat lak-eyen Elias san onga et iyeyna ken inana danat kanan en, “Ilaem et natago nan anakmo.”

1 Aali 17:9

“Omeyka et id wani isnan ili ay Sarefat isnan sag-en di Sidon ta menteeka isdi. Et isdi wada nan balo ay babai ay binilinko ay mangpakpakan ken sik-a.”

2 Aali 4:16

Dat kanan Eliseo ken siya en, “Isnan kaneg tona ay timpo is omali ay tew-en et awnit wada nan anakmo ay lalaki ay ab-abaem.” Dat kanan san babai en, “Pangaasim ta adika somsomlat tay ipogaw Apo Dios sik-a.”

2 Aali 4:20

Dat lak-eyen san baa san onga et iyeyna ken inana. Dat sakliyen inana et enggana ay makag-aw dat matey.

Zacarias 12:10

Awnitak pabalinen nan ap-on din si David ya nan iJerusalem ay managseg-ang ya managlowalo. Dadat ilaen nan dinoy-okda dadat ilemet ay kaneg nan men-ilemetan di nateyan is bogbogtong ay anak. Pilmi nan ikkanda ay menbabawi ay kaneg nan ikkanda no matey nan damo ay anakda.”

Lucas 7:11

Egay pay nabayag dat omey si Jesus isnan ili ay Nain et nakkey nan papasolotna ya nan adoado ay ipogaw.

Lucas 7:13

Olay si Jesus et palalo gedan nan seg-angna isnan nang-ilaana issan balo. Danat kanan ken siya, “Laton sa. Adika men-ag-aga.”

Lucas 8:42

tay matmatey nan bogtong ay anakday babai ay simpoo ya dowa nan tew-ena. Dat makkey si Jesus et omon-onod kayet nan kaipoipogaw ay mang-al-alibongbong ken siya.

Lucas 8:52

Men-ag-aga am-in nan ipogaw issan pantew ngem dat kanan Jesus, “Adi kayo men-ag-aga tay egay katey nan onga ay sana nodi maseseyep et kedeng.”

Juan 11:19

isonga adoado nan Judio ay inmey nangliwliwaliw ken da Marta ken Maria gapo isnan nateyan nan besatda.

Aapostolis 9:39

Dat mapika si Pedro et makkey ken daida. Idi inomdanda dadat ipango isnan kowalto ay kad-an san natey. Wadada isdi nan adoado ay bababai ay babalo ay men-ag-aga. Inpailada ken Pedro nan sinapon Dorcas ay badbado ya ew-ewes isnan egayna kateyan.

Aapostolis 9:41

Dat gen-an Pedro nan ledengna et patakdegena siya. Dat ayagan Pedro san deeyda ay bababai ay balo ya nan ib-ada ay mamati ken Jesus ta ilaenda si Dorcas ay kasin natago.

Santiago 1:27

Ngem nan kanan Apo Dios ay Ama tako en nan tet-ewa ay pammati et nan mangtek ay mangbadang isnan ngoso ya nan balo isnan maligligatanda ya adina solsoloten nan ngawi ay ogalin nan adi mamati ken Kristo.