Lucas 6:7 - Kalin Apo Dios

⁷ Nan men-is-isolo isnan linteg ya nan Fariseo, kaytenda ay mangidalom ken Jesus isonga sis-iimenda siya no pagawisena nan nabingoy tay lawaenda nan men-agas is sakit isnan obaya tay kananda en obla di.

Lucas 6:7 Iomraidhean Croise

Salmo 38:12

Nan deeyda pay mang-ap-apos ken sak-en et kayatda ay mangpatey. Nan wada nan panggepda ay mangdadael ken sak-en et padakesenda sak-en dadapay mentolag is ikkanda ken sak-en.

Jeremias 20:10

Dedengngek nan am-in ay mang-iyag-agasaas en, ‘Si todi nan iyeg-egyatda isnan am-in ay ili. Idalom tako siya.’ Olay nan gayyegayyemko et sesed-enda nan maabakak dadapay kanan en waay nganngani ay maallilawak ta ikkak nan baken osto tapno mangdepapda ta men-ibaesda.

Mateo 5:39

Ngem ibagak ken dakayo en adi kayo ibab-aes nan kompolmi ay ikkan nan ib-ayo ken dakayo. Nodi no waday mangtipak isnan ipingmo dakat idoo nan topakna.

Marcos 3:2

Wada isdi nan mangkayat ay mangidalom ken Jesus isonga sis-iimenda siya mo agasana san nabingoy tapno pabasolenda siya tay law-enda nan men-obla isnan obaya ay olay nan men-agas.

Lucas 13:14

Ngem nan ap-apo isnan sinagoga et nakaliget ken Jesus tay apedna pinagawis san in-ina dapay obaya. Isonga danat kanan isnan kaipoipogaw, “Enem ay agew nan men-oblaan tako et siya dadi ay agew nan omaliyanyo ay menpaagasan ay baken nan obaya.”

Lucas 20:20

Enggana isdi et ninses-eedda is gawis ay timpo ay mangdepapanda ken siya. Linagbowanda nan tap-in di lalalaki dadat ibaa daida ta omeyda aginsisingpet ay mang-allilaw ken Jesus tapno waday ikkanda ay mangdepap ken siya ta eyeyda isnan gobilnadol.

Juan 9:16

isonga kinwanin nan tap-in di Fariseo en, “Nan nang-ikkan isna adi et egay kagapo ken Apo Dios tay adina tongpalen nan linteg di obaya.” Ngem nan tap-ina et kananda baw en, “Ayke makaikkan di managbasol is kaskasdaaw ay kaneg nan naayda?” Dadat mensinopyat am-in.