Lucas 6:48 - Kalin Apo Dios

⁴⁸ Kanegna nan esa ay ipogaw ay ninsaad is baeyna. Inkaobna ay gawis nan tokod enggana ay maipegnad isnan bato sanapay saaden nan baeyna. Isonga no men-inewang et dalaposena san baey ngem egay natokang tay menkeneg.

Lucas 6:48 Iomraidhean Croise

Salmo 32:6

Isonga kanak en am-in ay nalinteg ay ipogawmo et menpakawanda koma ay dagos ken sik-a no makabasolda. Dat no waday mapasamakda ay kaneg isnan dakkel ay inewang et adida maiyanod.

Salmo 62:2

Siya et kedeng nan kamangko ya mangisalakan ken sak-en. Siya nan salaknibko isonga adiyak pilmi ay madanagan.

Salmo 95:1

Menday-eng tako isnan apo. Ibiyad tako nan pangdayaw tako ken siya ay mangsalsalaknib ya mangisalsalakan ken datako.

Isaias 26:4

Mentalek kayo ay eng-enggana isnan apo tay kaneg siya nan makneg ay pegnad di nemnem di mangtaltalek ken siya.

Isaias 28:16

Isonga siya na nan kanan nan apo ay kangatowan. “Ilaenyo, ipegnadko id Sion nan napili ay nabanobanol ay bato ay mang-ipapakneg et nan mangpati ken siya et adi polos madisdismaya.

Isaias 59:19

menlogi isnan balaan di agew et enggana isnan maon-onogan di agew et awnit iyegyat nan am-in siya ya nan kabaelana. Awnit omali ay kaneg napigsa ay men-ay-ayos ay danom ya kaneg nan napigsa ay dagem.

Lucas 6:47

Am-in ay omali ken sak-en ay mangidnge ya mangpati isnan ibagbagak et siya na nan kaiyaligana.

Lucas 6:49

Ngem nan ipogaw ay mangdedenge isnan kankanak danapay adi patiyen et kanegna nan nangsaad is baeyna isnan lota ngem egayna pegnadan is bato ay menpatangan nan tokodna. Isonga idi men-inewang dat makibbek ay matokang san baeyna tay egay kasaad ay gawis.”

Juan 16:33

Inbagak na ken dakayo tasiyay menlamlamnin kayo isnan maitatapiyanyo ken sak-en tay awnit paligaten nan adi mamati dakayo. Ngem olay, papigsaenyo kayet nan nemnemyo tay inabakko si Satanas ay ap-apon nan adi mamati ya nan am-in ay anito.”

Aapostolis 14:22

ta papigsaenda nan pammatin nan ipogaw ay mamati ken Jesus issan damo ay inmayanda. Kinwanida en, “Itoltoloyyo kayet ay mamati ken Apo Jesus tay mapaligatan tako is nateketeken ay ligat esatakopay maitapi isnan mentolayan Apo Dios ay maid patenggana.”

Efeso 2:20

Et maitapi tako am-in isnan baey ay sas-aadena ay mentetean di Ispirito Santo. Si Jesu Kristo et siya nan kanegna tokod tay siya nan mangipapakneg ya mangipadadakkel isnan baey dapay nan aapostolis ya nan mamadton Apo Dios et daida nan kanega kiling san baey tay daida nan omon-ona ay mangipagtek isnan maipanggep ken Jesus. Gapo isnan maitatapiyan nan mamati ken Kristo et kanegda nan kaiw ay nateketeken ngem wada nan kaosalanda am-in isnan baey. Isonga dakayo pay ay mamati nan tap-in di isaad Apo Dios isnan gawis ay baeyna.

Deuteronomio 32:15

Binmaknang nan Israelita ngem sinmokilda. Mamapnekda is makan ya tinmabada dadat dokogan nan apo ay nangboliw ken daida. Inadyanda nan manakabalin ay nang-isalakan ken daida.

Deuteronomio 32:18

Kinalingkinganda nan Diosda ay manakabalin ay nang-isalsalakan ken daida. Nan Dios ay nang-idya isnan biyagda.

Deuteronomio 32:31

Gegetken nan mang-ap-apos isnan Israelita ay maid kabaelan nan diosda ay kaneg nan manakabalin ay Dios di Israelita.

2 Timoteo 2:19

Ngem am-in ay kankanan Apo Dios et tet-etet-ewa ay adi masokasokat ay kaneg nan dakkel ay bato ay maid makaiwedwed. Et kankanana ay getkena nan tet-ewa ay maitatapi ken siya. Ya kankanana abes en no kanam en esaka ay maitatapi ken siya et masapol ay adim ik-ikkan nan ngawi.

2 Pedro 1:10

Isonga bebsatko, gapo isnan gawis ay badang Apo Dios, ipakat tako nan kabaelan tako ay mang-ikkan isnan gawis tapno mapaneknekan nan nangpiliyan ya nang-ayagan Apo Dios ken datako ay menbalin is an-akna. Tay no siya dadi nan ik-ikkan tako et adi tako dokogan nan pammati tako.

1 Juan 2:28

Itoltoloyyo ay maitatapi ken Jesu Kristo tapno maid kabainanyo nodi men-gasing kayo ay mang-ila ken siya isnan kasina omaliyan.

Judas 1:24

Sapay koma ta madayaw ay eng-enggana nan es-esang ay Dios ay si Apo Dios ay nangisalakan ken datako gapo isnan inikkan nan Apo tako ay si Jesu Kristo. Kabaelana ay mangsalsalaknib ken dakayo ta adiyo ik-ikkan nan ngawi. Et awnitna ipatakdeg dakayo ay maid kadelawanyo isnan sagangna. Isonga awnit dadama nan gasing tako. Sapay koma ta si Apo Dios nan kangatowan isnan nemnem di ipogaw. Gawis no getken nan ipogaw am-in ay siya nan manakabalin ay Alin nan am-in enggana isdin damodamo ya eng-enggana. Tet-etet-ewa am-in dana.