Lucas 6:21 - Kalin Apo Dios

²¹ Nagasat kayo ay manglaylayad ay mang-ikkan isnan layden Apo Dios tay awnit kayo mapnek. Nagasat kayo ay menseseg-ang gapo isnan basolyo tay awnit kayo men-gasgasing.

Lucas 6:21 Iomraidhean Croise

Genesis 17:17

Ninlokbob si Abraham ay mendayaw ngem dat men-ammeng issan nangnemnemana en, “Ay omanak di lalaki no sin-gasot nan tew-ena? Ay omanak si Sara dapay siyampoo nan tew-ena?”

Genesis 21:6

Kinwanin Sara, “Inpagasing Apo Dios sak-en. Awnit am-in ay mangdenge isnan inommat et makiammengda ken sak-en gapo isnan gasingda

Salmo 107:9

Tay penekena nan naewew danapay agtan is gawis nan naowat.

Salmo 119:136

Men-ayos nan agak gapo tay adi tongpalen di ipogaw nan lintegmo.

Salmo 143:6

Ingatok nan ledengko ay menlowalo ken sik-a. Mailiwak ken sik-a ay kaneg nan maewewan nan naaango ay lota is danom.

Salmo 17:15

Ngem sak-en et awnitko ilaen sik-a tay nalintegak dakpay men-gasgasing tay wadaka ken sak-en.

Salmo 28:7

Nan apo nan pamigsak ya siya nan kanegko kalasag. Nintalekak ken siya danat badngan sak-en. Men-galalasingak isonga ikantak nan dayawko ken siya.

Salmo 65:4

Nagasat nan pinilim ay ipogawmo ay ipateteem isnan baeymo. Mapnek kami isnan gawis ay wada isnan baeymo ay nan bindisyon isnan templom.

Isaias 25:6

Isnan bilig nan Sion et awnit men-isagana nan apo ay manakabalin is menlagsakan pala isnan am-in ay il-ilin nan batawa ay nan kagagawisan ay sida ya mainom

Isaias 30:19

Dakayo ay mentetee id Jerusalem et awnit adi kayo et men-ag-aga tay managseg-ang nan apo et no menpabadang kayo ken siya et idngena dakayo.

Isaias 66:10

Makigasing kayo isnan Jerusalem ya men-gasing kayo pala ken siya, dakayo am-in ay manglayad isnan naay ili. Dakayo am-in ay ninseseg-ang gapo ken siya et makigasing kayo ken siya id wani.

Jeremias 31:9

Awnit men-ag-aga nan ipogawko ay somagong dakpay liwliwaliwen daida isnan mang-isagongak ken daida. Awnitak ipango daida isnan sag-en di danom. Ipangok gedan daida isnan mendawes ay daan ta adida maisogsogto tay sak-en nan aman di Israelita et si Efraim nan iyon-ada.

Mateo 5:4

Nagasat nan menseseg-ang gapo isnan basbasolda tay awnit liwliwaen Apo Dios daida.

Mateo 5:6

Nagasat nan manglaylayad ay mang-ikkan isnan layden Apo Dios tay awnit mapnekda.

Lucas 1:53

Inagtana nan kaseseg-ang is masapolda danapay pakaanen nan babaknang ay maid polos gegen-anda.

Lucas 6:20

Inilan Jesus san papasolotna danat kanan, “Nagasat kayo ay mangtek isnan kolangyo tay awnit kayo maitapi isnan mentolayan Apo Dios.

Lucas 6:22

Nagasat kayo no kaliliget nan ipogaw dakayo ya aamisenda ya bab-ainanda dadapay kanan en ngawi kayo gapo isnan mangpatpatiyanyo ken sak-en ay Iyon-an Am-in di Ipogaw.

Lucas 6:25

Kaseseg-ang kayo ay mamapnek id wani tay awnit kayo maowat. Kaseseg-ang kayo ay men-gasgasing id wani tay awnit kayo menseseg-ang ya men-ag-aga.

Juan 11:35

Dat men-aga abes si Jesus

Juan 4:10

Dat kanan Jesus, “No getkem koma nan idyan Apo Dios ya no sinowak ay mangmangwani en painomem et ibagam koma tapno agtak sik-a isnan danom ay mang-idya is biyag.”

Juan 6:35

Dat kanan Jesus, “Sak-en nan makan ay mang-idya is biyag tay nan omali ay maitapi ya mamati ken sak-en et adi kaoowat ya adi kaew-ewew.

1 Corinto 4:11

Ngem dakami et enggana id wani ay timpo it-itpemi nan owat ya ewewmi ya kolang nan badomi. Maid osto is baeymi ya adoado nan mangpalpaligat ken dakami.

2 Corinto 11:27

Mail-ila ay tet-ewa ay apostolis Kristo sak-en isnan naligaligat ay obla ay ik-ikkak. Mail-ila abes tay namin ado ay egayak naseyseyep ya naow-owatak ya naew-ewewak ya nasnaskawak tay maid omanay is osalek.

2 Corinto 12:10

Isonga men-gasingak isnan ligat ya isnan kaeegyat ya isnan kinakapsotko. No iiyawenda sak-en ya mangpalpaligatda gapo isnan mangsolsolotak ken Kristo et olay tay no maid pigsak et maam-amed nan badangna ay mangipapigsa ken sak-en.

2 Corinto 6:10

Wada nan mangipaseseg-ang ken dakami ngem egay makak-aan nan gasingmi. Kodokdo kami ngem pabaknangenmi nan adoado ay ipogaw isnan gawis ay magapgapo ken Apo Dios. Maid gamengmi isnan batawa ngem maiwed abes bakenmi gameng tay maitapi kami ay makikwa isnan kowan Ama tako id daya.

Santiago 1:12

Nan mamati et men-gasing no anosanda ay mangitpe isnan ligat ay adi kasoksokatan nan pammatida. Tay nan makatpe et ligalowan Apo Dios is biyag ay maid patenggana ay inkalina ay maited isnan manglaylayad ken siya.

Naipagtek 21:3

Daket dengngen nan napigsa ay kali ay nagapo isnan tokdowan di mentolay ay mangwani en, “Id wani et makitetee si Apo Dios isnan ipogaw. Iib-aana daida et daida nan ipogawna. Owen, siya ay mismo nan makitetee ken daida et siya nan Diosda.

Naipagtek 7:16

Isonga adida polos kasin kaow-owat ya adida kasin kaew-ewew. Adida pay mapaligatan isnan kaeegyat ay agew ya mailisida isnan pilmi ay poos di kompolmi