Lucas 5:8 - Kalin Apo Dios

⁸ Idi inilan Simon Pedro san inommat dat menpalintomeng ken Jesus et kanana, “Apo, mabainak ken sik-a tay managbasolak isonga taynam sak-en.”

Lucas 5:8 Iomraidhean Croise

1 Aali 17:18

Dat kanan san babai ken Elias en, “Ipogaw Apo Dios sik-a isonga ommat na ken sak-en. Waay obpay inmalika ay mangipanemnem isnan basbasolko isnan mateyan nan anakko.”

Exodo 20:19

Dadat kanan ken Moses en, “Dengngenmi no sik-a nan menkali ngem no si Apo Dios nan makikali ken dakami et waay matey kami is egyatmi.”

Isaias 6:5

Daket kanan, “Ay inayan, maid et namnamak. Nabaosak tay nalogit nan topekko ya am-in ay kailyak et ngawi gedan nan kankananda dakpay inila et isnan mismo ay matak nan Ali ay apo ay manakabalin.”

Mateo 17:6

Isnan nangdengngan nan papasolotna isnan kali dat dadama nan egyatda et menlokbobda isnan lota.

Mateo 2:11

Omdanda pay dadat songgep isnan baey et ilaenda san onga ya si Maria ay inana. Dadat menpalintomeng ay mangdayaw issan onga dadapay ited ken siya nan ninkangingina ay sagotda ay balitok ya nan menbango ay insinso ya mira.

Mateo 8:8

Ngem dat kanan san kapitan, “Olay adika omali tay adi maibagay ay songgepka isnan baeyko tay bakenak Judio. Omanay nan kalim ay mangipagawis ken siya.

Lucas 5:7

Dadat wag-eyan san iib-ada issan esay bangka ta badanganda daida. Inmeyda binadangan daida et pinopinoda san doway bangka is ikan et gistayda malimon.

Lucas 5:9

Nasdaaw am-in san wada issan bangkan Simon issan nang-ilaanda isnan kaad-adon san sinidokanda

Juan 11:32

Inomdan pay si Maria issan kad-an Jesus dat menlokbob isnan sasagangena danapay kanan, “Apo, no wadaka isna et egay koma katey nan besatko.”

1 Corinto 13:12

Siya na nan kaneg nan awnit ommat ken datako tay awnit tako getken nan am-in no ilaen tako ay mismo si Jesus. Ngem id wani kaneg tako mensalsalming isnan masasalimaawan ay salming ay adi mangipaila ay ostoosto isnan iilaen tako. Kanak di tay adi tako getken nan am-in id wani. Ngem awnit maiyiso nan mangtekak isnan maipanggep ken Apo Dios isnan mangtekana ken sak-en.

Naipagtek 1:17

Isnan nang-ilaak ken siya et natokangak isnan sasagangena ay kanegak natey gapo isnan egyatko. Ngem danat ig-en nan makanawan ay ledengna ken sak-en ay mangwani en, “Adika omegyat tay sak-en na. Sak-en nan nangwada isnan am-in ay wada et sak-en gedan nan mangkombos isnan am-in.