Lucas 4:22 - Kalin Apo Dios

²² Laylayden am-in nan ipogaw siya gapo isnan gawis ay inbagbagana ngem nasdaawda dadat kanan, “Ay baken kad na san anak Jose ay kailiyan tako?”

Lucas 4:22 Iomraidhean Croise

Salmo 45:2

Kagowapowanka isnan lalalaki isnan batawa ya menlamnin nan kalim tay binindisyonan Apo Dios sik-a ay eng-enggana.

Salmo 45:4

dat isnan kinangatom et omeyka mangabak ta salaknibam nan kinalinteg ya kinatet-ewa. Isnan pigsam et maila nan katataa ay ik-ikkam.

Isaias 50:4

Initdon nan apo ay kangatowan nan kanak tapno papigsaek nan nabbay. Winakgat ay paganatena sak-en ay mangdenge isnan itdona.

Lucas 2:47

Nasdaaw am-in nan mangdedenge ken siya gapo isnan silibna tay ostoosto nan isongsongbatna ya kankanana.

Lucas 2:48

Nasdaaw gedan da inana issan nang-ilaanda ken siya danat kanan, “Anakko, dakan egay naiboweg ken dakami? Madadanagan kami ken amam ay mang-an-anap ken sik-a.”

Lucas 21:15

tay sak-en nan awnit mang-itdo isnan kankananyo ya silibyo et adi polos masopyat ya masongbatan.

Lucas 4:21

Danat ilogi ay mangwani ken daida, “Tinmet-ewa id wani ay agew san dinngeyo ay binasak ay naisosolat ay kalin Apo Dios.”

Juan 1:45

Dat anapen Felipe si Natanael danat kanan, “Dinas-anmi nan ipogaw ay insolat Moses isnan liblo ay naisolatan nan linteg ya din insolat din mamadto. Siya si Jesus ay iNazaret ay anak Jose.”

Juan 6:42

Dadat kanan, “Ay baken siya na si Jesus ay anak Jose? Getken tako da amana ken inana danat aped kankanan id wani en nagapo id daya?”

Juan 7:46

Dat kanan san gogowaldiya, “Kaskasdaaw od nan kankanana tay maiwed makaikkan isnan ikkana ay men-isolo.”

Aapostolis 6:10

initdowan nan Ispirito Santo siya isonga nalaing ay komali.

Tito 2:8

Paostowem ay gawis nan kanam tapno adi mabalin ay madelaw tapno mabainan nan mang-ap-apos ken datako gapo tay maid somya is mangdelawanda ken datako.