Lucas 4:18 - Kalin Apo Dios

¹⁸ “Wada nan Ispirito Santon Apo Dios ken sak-en tay pinilina sak-en ay mangipagtek isnan gawis ay damag isnan kodokdo. Inbaana sak-en ay mangbadang isnan maligligatan ta mapalobosan nan balod ya makaila kasin nan kollaw

Lucas 4:18 Iomraidhean Croise

Genesis 3:15

Menbosowek dakayo isnan babai et nan ap-ona ya nan ap-om et awnit menbibinosoda gedan. Tegtegen di ipogaw nan toktokmo dakapay abes bangten nan mokodna.”

Salmo 102:20

ta dengngena nan mensegseg-angan nan balod ya ta wayaana nan epdas nakedngan ay matey.

Salmo 147:3

Pagasingena nan namaid namnamada danapay badangan nan madadagsenan.

Salmo 2:2

Madagop nan alin di kailiili ya nan menkangangato ay ipogaw ta tolagenda ay manggobat isnan apo ya nan pinilina

Salmo 2:6

“Dinotokak et nan ostoy ali id Sion ay napateg ay biligko.”

Salmo 34:18

Somasag-en nan apo isnan menseseg-ang danapay isalakan daida ay namaid namnamada.

Salmo 45:7

Laylaydem nan gawis dakapay adyan nan ngawi et siya nan gapo ay pinilin Apo Dios ay Diosmo sik-a danapay pagasingen sik-a mo nan iib-am.

Salmo 51:17

nodi nan daton ay mangpagasing ken sik-a, Apo Dios, et nan kinapakombaba tay adim iiyawen nan nababa ya managbabawi.

Isaias 35:5

Awnit makaila nan kowap ya makadnge nan toweng.

Isaias 42:7

Awnit bitagem nan matan nan kowap dakapay wayaan nan balod ay mentetee isnan menbolinget.

Isaias 45:13

Sak-en mismo ay mang-ipaikkan ken Ciro isnan ikkana ta matongpal nan laydek ya mapaosto nan am-in ay banag et maid nangbayad wenno nangpasoksok ken siya ta ikkana dana. Dataek am-in ay daan ay daanena ta kasina tooden nan ilin nan Jerusalem danapay wayaan nan ipogawko ay naibabalod.” Siya na nan kinwanin nan apo ay manakabalin.

Isaias 49:9

Daket kanan isnan balod en, ‘Mapalobosan kayo.’ Dakpay kanan isnan wada isnan menbolinget en, ‘Bomala kayo isnan kad-an di silaw.’ Et awnit kan-egda nan kalnilok ay mangmangan isnan bilig.

Isaias 50:4

Initdon nan apo ay kangatowan nan kanak tapno papigsaek nan nabbay. Winakgat ay paganatena sak-en ay mangdenge isnan itdona.

Isaias 57:15

Sak-en nan nangato ya manakabalin ay Dios ay matatago ay eng-enggana. Nan kad-ak et nangato ya nadiosan ngem makiteeak gedan isnan mang-ipababa isnan awakda ya mang-ibabawi isnan basolda tapno kasinko pabalinen daida ay matalek ya ta waday namnamada.

Isaias 61:1

Wada nan Ispiriton nan apo ay kangatowan ken sak-en tay pinilina sak-en ay mang-ipagtek isnan gawis ay damag isnan kodokdo. Inbaana sak-en ay mangbadang isnan maligligatan ya ta mapalobosan nan balod.

Malakias 4:2

Ngem dakayo ay mangtongtongpal ken sak-en et awnit bomala nan kabaelak ay mangisalakan ken dakayo ya pagawisena dakayo ay kaneg nan ikkan nan agew. Awnit kayo men-gasgasing ay kaneg nan koyaw ay naipopokay tay mawayaan kayo.

Mateo 11:5

Tay nan kowap et makailada, nan pilay et makadaanda, nan nakolit et ginmawisda. Nan toweng et makadngeda, nan natey et natagoda ya olay nan kodokdo et dinngeda nan naibagbaga ay gawis ay damag.

Mateo 12:18

“Ilaenyo nan naay ay pinilik ay inbaak. Siya nan laylaydek ya siya nan mangipagasgasing ken sak-en. Itedko ken siya nan Ispiritok ta siya nan mangipadamag isnan tet-ewa ay maipanggep ken sak-en isnan baken Judio abes.

Mateo 12:20

Adina dokogan nan ipogaw ay teteteteen nan pammatida ya badangana nan kaseseg-ang. Itoltoloyna engganay abakena nan am-in ay ngawi isnan batawa.

Mateo 4:16

Nan ipogaw isdi et menbolinget nan nemnemda isonga kanegda natey tay adida getken si Apo Dios. Ngem awnit isdi nan mentanggewan nan silaw tay omey nan mangisolo ken daida et awnit matanggewan nan nemnemda.”

Mateo 5:3

“Nagasat nan mangtek ay kolang nan kabaelana ay mang-ikkan isnan layden Apo Dios tay daida nan awnit maitapi isnan mentolayana.

Lucas 4:17

isonga dadat ited nan insolat nan mamadto ay din si Isaias danat bilagen et datngana nan naisosolat ay naay,

Lucas 6:20

Inilan Jesus san papasolotna danat kanan, “Nagasat kayo ay mangtek isnan kolangyo tay awnit kayo maitapi isnan mentolayan Apo Dios.

Lucas 7:22

Danat kanan issan papasolot Juan, “Somagong kayo ken Juan ta ibagayo nan dinngeyo ya nan inilayo ay ik-ikkak. Tay nan kowap et makailada, nan pilay et makadaanda, nan nakolit et ginmawisda, nan toweng et makadngeda, nan natey et natagoda ya olay nan kodokdo et dinngeda nan naibagbaga ay gawis ay damag.

Juan 1:41

Dat ikakamon Andres ay mang-anap ken Simon ta ibagana en, “Dinas-anmi nan Mesias.” Nan kayatna ay kanan et dinas-anda si Kristo ay sedsed-enda tay inbagan Apo Dios en awnitna ibaa.

Juan 12:46

Inmaliyak ay silaw isnan batawa ta tanggewak nan nemnem am-in nan mamati ken sak-en ta adida mentetee isnan menbolinget.

Juan 3:34

Tay si Jesu Kristo ay inbaan Apo Dios et kankanana nan kalin Apo Dios tay inidyan Apo Dios nan am-in ay panakabalin di Ispirito Santo ken siya.

Aapostolis 10:38

Isonga maawatanyo nan nangitapiyan Apo Dios isnan Ispiritona ya kabaelana ken Jesus. Olay no into nan inmay-ayana et inpagawisna nan masaksakit ya nan ipogaw ay kinapet di anito tay wada si Apo Dios ken siya.

Aapostolis 26:18

Isolowam daida ta maawatanda nan maipanggep ken sak-en ta malawagan nan nemnemda ya dokoganda nan ngawi ya ta maabak nan kabaelan Satanas ken daida. Et no mamatida ken sak-en, pakawanen Apo Dios nan basbasolda tapno maitapida isnan ipogawna.’ Siya di nan kinwanin Jesus ken sak-en.”

Aapostolis 4:26

Mensagana nan alin di kailiili et madagop abes nan menkangangato ay ipogaw ta gobatenda si Apo Dios ya nan Anakna ay makwani en Kristo.’

Aapostolis 4:27

Et natongpal san deey ay kinwanin David tay nadagop nan ib-ami ay Judio ya nan baken Judio ya nan ap-apo ay da Herod ken Poncio Pilato id Jerusalem ta mentotyada ay mangpatey ken Jesus ay mangtongtongpal ken sik-a dapay siya nan dinotokam ay mentolay isnan am-in ay ipogaw.

Colosas 1:13

Insalakana datako isnan kabaelan Satanas ay apon di menbolinget nan nemnemda. Tay intapina datako isnan mentolayan Jesu Kristo ay laylaydena ay Anakna ay

Santiago 2:5

Bebsatko, dengngenyo pod nan kanak. Ay adiyo getken ay adoado nan kodokdo ay pinilin Apo Dios tapno bomaknangda isnan pammatida ya isnan maitapiyanda isnan mentolayana? Siya di nan inkalina ay itedna isnan manglaylayad ken siya.

1 Pedro 2:9

Ngem bakenyo kaneg nan mang-adi ay mangpati ken Kristo tay napili kayo ay ipogawna. Masilbi kayo ay ipogaw ay os-osalen nan Ali ay si Kristo ay kaneg nan papadi ay mensilsilbi ken Apo Dios. Insiyan Apo Dios dakayo isnan adi mamati tay inalana dakayo ay ipogawna. Pinilin Apo Dios dakayo ay ipogawna ta ibagayo isnan tapin di ipogaw nan gawigawis ay ik-ikkana. Siya nan nang-ayag ken dakayo ta taynanyo nan ngawi tapno makitee kayo ken siya isnan am-in ay kagawisna. Kanegna kinaan datako isnan menbolinget et iyeyna datako isnan menpalalat-a.