Lucas 3:21 - Kalin Apo Dios

^21-22 Issan nangbonyagan Juan issan kaipoipogaw dat menpabonyag abes si Jesus. Issan nabonyagan Jesus dat menlowalo ken Apo Dios et issan menlol-owalowana et napewak id daya dat lomayog nan Ispirito Santo ay kaneg kalapati et pomatong ken siya. Dat wada nan kali ay nagapo id daya ay mangwani en, “Sik-a nan Anakko ay laylaydek. Men-galalasingak gapo ken sik-a.”

Lucas 3:21 Iomraidhean Croise

Mateo 14:23

Idi inpasaana daida daet mentikid isnan bilig ta menlowalo. Nalabi et daan si Jesus isnan bilig

Lucas 5:16

Ngem no mamingsan et komaan si Jesus tay omey isnan bilig ay menlowalo.

Lucas 9:18

Isnan namingsan ay kedkedeng da Jesus ya nan papasolotna dat menlowalo si Jesus. Nakwas pay ay makalowalo danat sooten ken daida, “Ay ngan nan pangwanin nan ipogaw ken sak-en?”

Juan 1:51

Ibagak et tet-ewa ay awnityo ilaen ay matokaban id daya et om-omey ya omal-ali nan aanghel Apo Dios ken sak-en ay makwani en Iyon-an Am-in di Ipogaw.”