Lucas 24:47 - Kalin Apo Dios

⁴⁷ isonga am-in ay mamati ken siya dadapay ibabawi nan basbasolda et pakawanen Apo Dios daida.’ Masapol ay maibagbaga nan naay gawis ay damag isnan am-in ay il-ili isnan batawa menlogi id isna Jerusalem.

Lucas 24:47 Iomraidhean Croise

Salmo 22:27

Am-in nan kaipoipogaw et nemnemenda nan apo dadapay somagong ken siya ta dayawenda siya.

Salmo 67:7

Et itoloy Apo Dios ay mangbindisyon ken datako. Patgen koma am-in nan ipogaw isnan am-in ay solin nan batawa siya.

Salmo 86:9

Awnit omali ken sik-a nan am-in ay kaipoipogaw ay binoliwmo et menlokbobda isnan sagangmo dadapay daydayawen sik-a

Isaias 11:10

Isnan deey ay agew et menbalin ay sinyal nan ali ay kap-owan David isnan kailiili dat madagop nan kaipoipogaw isnan ostoy ilina ay mangdayaw ken siya.

Isaias 49:6

Dat kanan nan apo ken sak-en en, “Wada nan am-ammed ay ipaoblak ken sik-a ay baak. Baken kedeng nan mang-isagongam isnan kinangaton nan ipogaw di Israel ay nabay-an is ikkam nodi ibaak sik-a pay ay omey mang-itdo isnan baken Israelita ay manglawag isnan nemnemda ta waday waya ay maisalakan am-in ay ipogaw isnan batawa.”

Isaias 5:4

Ay wada ngen di kinalingkingak ay ikkan? Dan aped menpait pay nan obas ay adi mensam-it ay kaneg nan namnamaek ay ommat koma.

Isaias 52:10

Osalen nan apo nan nadiosan ay panakabalina ay mang-isalakan isnan ipogawna et awnit ilaen nan am-in ay ipogaw isnan batawa.

Isaias 52:15

Ngem id wani et adoado nan il-ili ay masdaaw ken siya ya adi makakali nan aali gapo tay nasngangda. Nan egay nangdenge isnan maipanggep ken siya et awnitda ilaen siya ya awnitda maawatan nan maipanggep ken siya.”

Jeremias 31:34

Adi masapol ay itdowanda nan kakailyanda ay mangwani en getkenyo koma si Apo Dios tay awnitda am-in mamati ken sak-en ay menlogi isnan kababaan enggana isnan kangatowan ay ipogaw tay pakawanek nan basbasolda. Adiyak et nemnemnemen kasin nan ngawi ay inik-ikkanda.” Siya na nan kinwanin nan apo.

Oseas 2:23

Dakpay olnosen nan ipogawko isnan dagada ya pasikaek daida. Et nan ipogaw ay egay kalaylayad et awnitak ipaila nan layadko ken daida. Nan makwani en bakenko ipogaw et awnitak kanan en ipogawko. Dadat et kanan ken sak-en en, ‘Sik-a nan tet-ewa ay Diosmi.’ ”

Mikias 4:2

Et awnit kanan nan kaipoipogaw isnan iib-ada en, ‘Tomikid tako isnan bilig nan apo. Owen, entako isnan kad-an di Templon nan Dios di Israel. Tay awnitna itdo nan kaytena ay ikkan tako ta awnit tako maiwaned ken siya.’ Tay nan it-itdon nan apo et magapo id Jerusalem ay makwani en Sion tay isdi nan makikalkaliyana isnan ipogawna.

Mateo 28:19

Isonga omey kayo isnan kaipoipogaw isnan am-in ay il-ili isnan batawa ta isolowanyo daida tapno mamatida ken sak-en. Dakayot bonyagan daida isnan ngadan Ama ya is ken sak-en ay Anakna ya isnan Ispirito Santo.

Mateo 3:2

“Ibabawiyo nan ngawi ay ik-ikkanyo tay nganngani ay omali nan mentolayan Apo Dios.”

Mateo 9:13

Isonga inmaliyak isnan batawa tapno badangak nan mangtek ay nakabasolda ngem baken nan mangnenemnem en gawisda. Nemnenemnemenyo tapno maawatanyo nan inpasolat Apo Dios en, ‘Nan mangseg-anganyo isnan iib-ayo nan laylaydek mo nan apedyo menpalpaltiyan ta tongpalenyo nan linteg.’”

Lucas 13:34

Mensakit nan nemnemko isnan ipogaw id Jerusalem. Kaseseg-ang kayo ay iJerusalem tay ginaygayangyo ya pinatpateyyo nan mamadto ay inbaan Apo Dios ay mangisolo ken dakayo. Namin kaat ay kayatko ay ponoken dakayo ay kaneg nan ikkan nan manok ay mangsakoko isnan an-akna ngem adyanyo.

Aapostolis 10:43

Olay id kasin et inbagbagan din mamadton Apo Dios en gapo isnan inikkan Jesus et mapakawan nan basbasol nan am-in ay mamati ken siya.” Siya di nan inbagan Pedro ken da Cornelio.

Aapostolis 11:18

Idi dinngeda di dadat somaldeng ay mangdeldelaw ken siya et daydayawenda si Apo Dios. Et kananda en layden Apo Dios obpay ay maidya nan biyag ay maid patenggana isnan olay ipogaw ay baken Judio no ibabawida nan basolda.

Aapostolis 13:46

Ngem da Pablo ken Bernabe et intoledda ay mangwani en, “Masapol ay dakayo nan damo ay maibagaan nan kalin Apo Dios tay Judio kayo ngem gapo tay adyanyo ya adiyo layden ay matatago ken Apo Dios ay eng-enggana, isonga id wani omey kami isnan baken Judio ta ibagami ken daida.

Aapostolis 2:38

Dat kanan Pedro ken daida, “Wasdin mangdokog is basolna dat menpabonyag ay mangipagtek ay apowena si Jesu Kristo tapno pakawanena nan basolyo et itedna nan Ispirito Santo ta komapet ken dakayo.

Aapostolis 20:21

Getkenyo abes ay insetko ay mangibagbaga isnan ib-ak ay Judio ya nan baken Judio ay masapol ay dokoganda nan basolda ta patpatiyenda si Apo Dios ya mamatida ken Apo Jesus.

Aapostolis 26:18

Isolowam daida ta maawatanda nan maipanggep ken sak-en ta malawagan nan nemnemda ya dokoganda nan ngawi ya ta maabak nan kabaelan Satanas ken daida. Et no mamatida ken sak-en, pakawanen Apo Dios nan basbasolda tapno maitapida isnan ipogawna.’ Siya di nan kinwanin Jesus ken sak-en.”

Aapostolis 26:20

tay inbagbagak isnan kaipoipogaw ta dokoganda nan basolda ta si Apo Dios di patiyenda dadapay ik-ikkan nan gawis ay mangipagtek isnan pammatida. Id Damasco nan damo ay nangisolowak is dadi dat id Jerusalem dat isnan kailiili isnan probinsiya ay naay ay Judea dat abes isnan baken Judio.

Aapostolis 28:28

Dat itoloy Pablo ay mangwani en, “Isonga ipagtekko ken dakayo en id wani et layden Apo Dios ay maibaga nan maipanggep ken Kristo isnan ipogaw ay baken Judio tay daida nan mangidnge ta maisalakanda.”

Aapostolis 3:19

Isonga dokoganyo nan basolyo ta nemnemenyo si Apo Dios ta kaanena nan basolyo ya itedna nan nasimpa ay nemnem ken dakayo.

Aapostolis 4:12

Tay maid teken is mabalin ay mangisalakan ken datako no baken si Jesus tay kedkedeng siya is inbaan Apo Dios ay mangisalakan isnan ipogaw.”

Aapostolis 5:31

Danat ipangato siya ta tomokdo isnan makanawana ta siya nan men-ap-apo ya siya nan mangisalsalakan ken datako tasiyay mawayaan tako ay Judio ay menbabawi tapno pakawanen Apo Dios nan basbasol tako.

Roma 5:20

Inted Apo Dios nan lintegna tapno maimatonan nan maam-amedan nan basol. Ngem isnan naam-amedan nan basbasol et inmam-amed kayet nan badang Apo Dios.

Efeso 1:6

Isonga daydayawen tako si Apo Dios gapo isnan gawigawis ay egayna inyim-imot ay badangna ken datako tay inbaana ken datako nan laylaydena ay Anakna ay si Jesu Kristo.

Efeso 3:8

Olay sak-en nan kababaan isnan am-in ay ipogawna ngem sak-en kayet nan pinilina ay mangibaga ken dakayo ay baken Judio isnan dadama ay layad Kristo ken datako ay maid kanegna.

Colosas 1:27

et maitapi kayo gedan ay baken Judio isnan ipogaw ay nangipagtekana. Maid kais-ison nan kaskasdaaw ay ninemnemna ay naay, makitetee si Kristo ken datako et siya nan poon nan namnama tako ay maitapi ken Apo Dios.

1 Juan 2:12

An-akko, nan gapo ay mensolatak ken dakayo et tay napakawan nan basbasolyo gapo isnan nateyan Kristo ay pala ken datako.