Lucas 24:27 - Kalin Apo Dios

²⁷ Danat ibaga nan maipanggep ken siya isnan naisolat id kasin ay kalin Apo Dios enggana isnan liblon Moses ya nan insolsolat din mamadto.

Lucas 24:27 Iomraidhean Croise

Genesis 22:18

Gapo ken sik-a et awnitak badangan nan adoado ay ipogaw isnan am-in ay kailiili. Owen, awnit tomet-ewana tay tinongpalmo nan inbilinko.”

Genesis 3:15

Menbosowek dakayo isnan babai et nan ap-ona ya nan ap-om et awnit menbibinosoda gedan. Tegtegen di ipogaw nan toktokmo dakapay abes bangten nan mokodna.”

Salmo 132:11

Ninsapata nan apo ken David et adina babawiyen. Insapatana en, “Wadada nan ipatolayko isnan polim ay mentolay ay maisned ken sik-a.

Isaias 50:6

Inpalobosko ay saplitenda nan edegko ya egayko pinasaldeng daida isnan nangbab-ainanda ken sak-en ya binaybay-ak ay gabotenda nan omengko dadapay tobaan nan angasko.

Isaias 7:14

Id wani ngalod et nan apo mismo nan mang-idya is sinyal. Awnit maliton nan babassang ay maid nang-iseyseyep et omanak is lalaki danat ngadnan is Immanuel.

Isaias 9:1

Id kasin et nabainan nan pangabong da Zebulon ken Naftali ngem awnitda madayaw kasin isnan dagada ay nan benget di Mediterranean enggana isnan bas-ang di Jordan et enggana id Galilea ay mentetean di baken Israelita.

Daniel 7:13

Dat issan labi et wada pay nan inilak ay kaneg ipogaw ay somagsag-en ay naitatapi isnan liboo et omey issan kad-an san natatago ay enggana ta maipalang.

Zacarias 9:9

Gomasing kayo ya ibogawyo nan gasingyo, dakayo ay iJerusalem. Ilaenyo, naay omal-ali nan aliyo. Nangabak siya ya nalinteg ngem inpababana kayet nan awakna ay mensasakay isnan anak di kabayo.

Malakias 4:2

Ngem dakayo ay mangtongtongpal ken sak-en et awnit bomala nan kabaelak ay mangisalakan ken dakayo ya pagawisena dakayo ay kaneg nan ikkan nan agew. Awnit kayo men-gasgasing ay kaneg nan koyaw ay naipopokay tay mawayaan kayo.

Marcos 4:34

Maid polos nin-isolowana ay egay ninpangngalig. Ngem no makekedengda isnan papasolotna danat ikwani am-in nan kayatna ay kaliyen ken daida.

Lucas 24:25

Dat kanan Jesus ken daida, “Ay apo, menkenteg nan toktokyo. Naligat nan mangpatiyanyo isnan am-in ay inbagbagan din mamadto.

Lucas 24:44

Danat kanan ken daida, “Nan nateyak ya nan natagowak kasin et siya din inbagbagak isdin kawad-ak ken dakayo. Tay masapol ay matongpal am-in din naisolat ay maipanggep ken sak-en isnan insolat din si Moses ya din tap-in di mamadton Apo Dios ya nan naisolat gedan isnan liblo ay Salmo.”

Juan 1:45

Dat anapen Felipe si Natanael danat kanan, “Dinas-anmi nan ipogaw ay insolat Moses isnan liblo ay naisolatan nan linteg ya din insolat din mamadto. Siya si Jesus ay iNazaret ay anak Jose.”

Juan 12:41

Kinwanin Isaias na tay inilana nan kinadios Kristo id sang-adom danat ibaga nan maipanggep ken siya.

Juan 5:37

Isonga si Ama ay nangibaa ken sak-en et siya gedan nan nangibaga isnan maipanggep ken sak-en ngem egayyo dindinnge nan kalina ya egayyo gedan inil-ila nan kanegna

Juan 5:39

Solsolowenyo nan kalin Apo Dios ay naisolat id kasin isnan liblo tay kananyo en no siya nan patiyenyo et matagotago kayo ay eng-enggana dapay sak-en nan kankanan san liblo.

Aapostolis 10:43

Olay id kasin et inbagbagan din mamadton Apo Dios en gapo isnan inikkan Jesus et mapakawan nan basbasol nan am-in ay mamati ken siya.” Siya di nan inbagan Pedro ken da Cornelio.

Aapostolis 3:18

Nan inikkanyo ay mangpatey ken siya et siya din inbagan Apo Dios isdin mamadtona id kasin tay inbagada en nan pinilin Apo Dios ay mentolay et masapol ay mapaligatan ya matey gapo isnan basbasol di ipogaw. Et siya di nan natongpalan nan kinwanina.

Aapostolis 3:22

Dat itoloy Pedro ay mangwani en, “Olay din si Moses et kinwanina en, ‘Awnit dotokan Apo Dios nan esay ipogaw isnan ib-a tako is mamadto ay kaneg nan inikkana ay nangdotok ken sak-en et ipootyo ay mangdenge am-in isnan kankanana.

Aapostolis 3:24

Siya met laeng din kinwanin din am-in ay mamadton Apo Dios ay menlogi ken Samuel. Tay inbagada nan maik-ikkan isnan timpo tako id wani.

Aapostolis 7:37

Din si Moses abes nan nangibaga isnan deeyda ay ap-on Jacob ay mangwani en, ‘Awnit dotokan Apo Dios nan esay ipogaw isnan ib-a tako is mamadtona kaneg nan inikkana ay nangdotok ken sak-en.’

Aapostolis 8:35

Dat ilogin Felipe ay mangiyispikal ken siya isnan kayat ay kanan nan insolat din si Isaias. Inbagana nan gawis ay damag ay maipanggep ken Jesus.

Deuteronomio 18:15

Nodi awnit pomili is mamadto ay kaneg ken sak-en ay kailyanyo ta siya nan patiyenyo.

Naipagtek 19:10

Daket menpalintomeng ay mangdayaw koma issan deey ay anghel ngem danat kanan en, “Adim ikkan sa. Masapol ay kedkedeng si Apo Dios is daydayawem tay esaak ay baan Apo Dios gedan ay kanegmo ya kaneg nan iib-am ay mangsolsolot isnan tet-ewa ay mait-itdo ay inpagtek Jesus. Tay nan inpagtekna nan nagapowan nan am-in ay inbagbagan nan mamadton Apo Dios.”