Lucas 23:34 - Kalin Apo Dios

³⁴ Dat kanan Jesus, “Ama, pakawanem nan mang-ik-ikkan isnan ngawi ken sak-en tay adida getken nan ik-ikkanda.” Daet menbobonot nan sosoldado esadapay pigasen nan badon Jesus.

Lucas 23:34 Iomraidhean Croise

Genesis 50:17

‘Ibagayo ken Jose en gawis no pakawanena nan basolyo ken siya id kasin.’ Isonga menseg-ang kami ken sik-a ta pakawanem dakami ay baan Apo Dios ay Dios ama tako.” Idi dinngen Jose dat men-aga.

Salmo 22:18

Pinigpigasda nan badbadok. Ninsosogalanda nan an-ando ay badok.

Isaias 53:12

Isonga agtak is nangato ay saadna ay maibagay isnan nangato ya masilib ay aamam-a. Tay iniidyana nan biyagna dapay maitapi isnan dosan nan ninpatpatey. Insaopna nan ado ay managbasol danapay ilowaloan daida ta mapakawanda.”

Mateo 11:25

Dat menlowalo si Jesus et kanana en, “Ama, sik-a nan Apo id daya ya isnan batawa. Men-iyamanak ken sik-a tay inpagtekmo isnan egay nakaadal nan tet-ewa ay maipanggep ken sak-en ngem egaymo inpagtek isnan mangwani en nalaing ya masilib tapno adida maawatan.

Mateo 11:26

Owen Ama, tay siya nan kayatmo ay maikkan.”

Mateo 5:44

Ngem ibagak ken dakayo en masapol ay laylaydenyo nan olay mang-aamis ken dakayo dayopay ilowalowan nan mangpalpaligat ken dakayo.

Marcos 15:24

Dadat ilansa siya isnan kros. Dat menbobonot nan sosoldado is mangbingay isnan badona.

Lucas 22:42

“Ama, no mabalin et kaanem koma nan naay ligatko. Ngem baken nan laydek is matongpal nodi nan laydem.”

Juan 17:9

isonga ilol-owalowak daida. Baken nan adi mamati is ilol-owalowak nodi nan mamati tay ipogawmo ay inyalim.

Juan 19:11

Dat kanan Jesus, “Maid kalebbengam ken sak-en no egay inidyan Apo Dios ken sik-a. Isonga nan nang-idya ken sak-en ken sik-a et dadama nan basolda.”

Aapostolis 16:28

Ngem ninbogaw si Pablo ay mangwani en, “Adim ikkan sa. Wada kami isna am-in.”

Aapostolis 3:17

Dat itoloy Pedro ay mangwani en, “Dakayo ay bebsatko, getkek ay egayyo getken nan saad Jesus isonga inpapateyyo. Olay nan ap-apoyo et egayda getken.

Aapostolis 7:60

Dat menpalintomeng et menbogaw ay mangwani, “Apo Jesus, adim pabasolen datona isnan naay ik-ikkanda.” Nakwas di dat matey. Et inyoog Saulo nan nangpateyanda ken siya.

Roma 12:14

Nan ipogaw ay mangpaligat ken dakayo et adiyo nemnemen en gawis no dosaen Apo Dios daida. Nodi ilowaloyo ta badangana daida.

1 Corinto 2:8

Nan nangangato ay ipogaw isnan batawa et egayda naawatan dana tay no naawatanda koma egayda pinatey si Kristo ay kangatowan ay Apo.

1 Corinto 4:12

Mapalpaligatan kami ay men-obla tapno waday katagowanmi. Olay ngawi nan ik-ikkan di ipogaw ken dakami ya olay no ngawi nan kalkaliyenda ken dakami et ilowalowanmi daida tapno badangan Apo Dios daida. No paligatenda dakami et anosanmi.

1 Pedro 3:9

No waday mang-ikkan is ngawi ken sik-a et adim ibaes. Olay no waday menkali is ngawi ken sik-a adim gedan songsongbatan. Nodi ilowalowam daida ta badangan Apo Dios daida. Tay siya nan kayat Apo Dios ay ikkanyo tapno gawis gedan nan awnitna ited ken dakayo.