Lucas 23:2 - Kalin Apo Dios

² et kasinda idalom ken siya ay mangmangwani en, “Sinokalanmi si tona ay mang-al-allilaw isnan kailiyanmi ta adida kano baybayadan nan bowis ken Cesar danapay kankanan en siya si Kristo ay ali.”

Lucas 23:2 Iomraidhean Croise

Salmo 35:11

Nan megkamkampot et menkalida is ngawi maipanggep ken sak-en ay mangpabasol isnan egayak polos gin-gintek.

Salmo 62:4

Kaytenyo et kedeng ay ipababa sak-en isnan saadko. Kaykaytenyo od nan baken tet-ewa tay gawis nan kankananyo ngem isnan nemnemyo et mangbab-aos kayo.

Jeremias 20:10

Dedengngek nan am-in ay mang-iyag-agasaas en, ‘Si todi nan iyeg-egyatda isnan am-in ay ili. Idalom tako siya.’ Olay nan gayyegayyemko et sesed-enda nan maabakak dadapay kanan en waay nganngani ay maallilawak ta ikkak nan baken osto tapno mangdepapda ta men-ibaesda.

Mateo 17:27

Ngem adita koma paligten nan ipogaw isna isonga enka laengen menbanniit isnan baybay. Et nan damo ay banniitam dakat takawen nan topekna ta das-am nan siping ay omanay is maibayad. Dakat alaen et enka bayadan nan bowista.”

Mateo 22:21

“Si Cesar,” insongbatda. Dat kanan Jesus ken daida en, “No siya ngalod sa et kowan Cesar nan siping isonga ikkanyo ken Cesar nan kalebbengana dayopay abes ikkan ken Apo Dios nan kalebbengana.”

Mateo 27:11

Inyeyda si Jesus ken Pilato ay gobilnadol danat sooten ken siya en, “Ay sik-a nan alin di Judio?” Dat somongbat si Jesus et kanana en, “Osto nan kinwanim.”

Marcos 12:17

Dat kanan Jesus en, “No siya ngalod sa et kowan Cesar nan siping isonga ikkanyo ken Cesar nan kalebbengana dayopay abes ikkan ken Apo Dios nan kalebbengana.” Dadat masdaaw gapo isnan laingna ay somongbat.

Marcos 15:2

Dat sooten Pilato ken Jesus, “Ay sik-a nan alin di Judio?” Dat kanan Jesus, “Osto nan kinwanim.”

Lucas 23:14

Danat kanan ken daida, “Indalomyo si tona ken sak-en ay mangwani en ipangpangolona nan ipogaw ay manggolo isnan gobilno. Ngem sinomalyak ay iilaenyo et maid nasokalak is ngawi ay mangipabasbasolanyo ken siya.

Lucas 23:5

Ngem ipapatida kayet ay mangwani en, “Dapay it-itdona isnan ipogaw en men-goloda. Inlogina id Galilea et enggana id isna Judea.”

Juan 18:29

Isonga dat bomala si Gobilnadol Pilato et ena sooten, “Ngan nan mangidalomanyo isnan naay ay ipogaw?”

Juan 18:30

Dadat kanan, “Adimi aped iyali siya ken sik-a no maiwed basolna.”

Juan 19:12

Issan nangdengngan Pilato isna et palalo nan layadna ay mangipalobos koma ken siya. Ngem am-amed inbogaw san deeyday Judio en, “No palobosam si tosa et mamagtek ay bakenmo gayyem si Cesar ay ali tako. Tay nan mangwani en ali nan awakna et ap-aposena si Cesar.”

Aapostolis 24:13

Maid polos mabalin is ikkanda ay mangpaneknek isnan naay ay ipabasbasolda ken sak-en.

Aapostolis 24:5

Nan ipogaw ay naay et getkenmi ay ngawi siya tay golgolowena am-in nan Judio isnan kailiili isnan batawa. Siya gedan nan esay apon nan obon di ipogaw ay mamati ken Jesus ay iNazaret ay mang-ad-adi ay mangsolot isnan tet-ewa.

Roma 13:7

Isonga am-in ay bowisyo et bayadanyo. Dayopay lispitowen nan menlebbeng tay siya nan ostoosto.