Lucas 22:62 - Kalin Apo Dios

⁶² Menbabawi si Pedro issan nangisotana ken Jesus isonga dat bomala et men-ogaog.

Lucas 22:62 Iomraidhean Croise

Salmo 38:18

Ipodnok et nan kinadakesko ya ibabawik nan basolko.

Zacarias 12:10

Awnitak pabalinen nan ap-on din si David ya nan iJerusalem ay managseg-ang ya managlowalo. Dadat ilaen nan dinoy-okda dadat ilemet ay kaneg nan men-ilemetan di nateyan is bogbogtong ay anak. Pilmi nan ikkanda ay menbabawi ay kaneg nan ikkanda no matey nan damo ay anakda.”

Mateo 26:75

Dat nanemnem Pedro san inbagan Jesus en, “Esapay mentan-o nan manok et nangisotka is mamitlo.” Dat dadama nan babawin Pedro issan nangisotana ken Jesus dat bomala et men-ogaog.

Mateo 5:4

Nagasat nan menseseg-ang gapo isnan basbasolda tay awnit liwliwaen Apo Dios daida.

Marcos 14:72

Dat pomindowa ay mentan-o nan manok daet maipanemnem ken Pedro din kinwanin Jesus en, “Esapay pomindowa ay mentan-o nan manok et epdasmo inisot sak-en is namitlo.” Dat menbabawi si Pedro issan nangisotana ken Jesus dat bomala et men-aga.

Lucas 22:61

Dat sagongen Jesus si Pedro et inengnengna. Dat maipanemnem ken Pedro san inbagan Jesus en, “Esapay mentan-o nan manok id wani ay agew et mamitlo ay nangisotka.”

Lucas 22:63

Dat ilogin nan mangbanbantay ken Jesus ay mangselselat dadapay tipaken siya.

1 Corinto 10:12

Isonga no waday ipogaw is mangnemnem en adina ikkan nan ngawi tay napigsa nan pammatina et makailana ta modatya nalaka ay bomasol siya.