Lucas 21:24 - Kalin Apo Dios

²⁴ Awnit mabetbet nan tap-ina ay mapatey dapay maiyey nan tap-ina isnan natkenatken ay il-ili ta menbalinda ay baa. Dadaelen nan baken Judio id Jerusalem engganay pasaldengen Apo Dios daida.”

Lucas 21:24 Iomraidhean Croise

Exodo 17:13

Et inabak da Josue nan Amelikita.

Isaias 5:5

Siya na gayam nan ikkak isnan om-ak. Kaanek nan mola ay mang-aalad dakpay tokangen nan aladna daket baybay-an ay omey nan atap ay animal ay manggatin ya mangkakan.

Isaias 66:12

Kanan nan apo, “Awnitak agtan dakayo is mamapnekanyo ay eng-enggana. Et nan kinabaknang nan il-ili et awnitda men-ayos ken dakayo ay kaneg nan ginawang ay adi makmakgang. Awnit kayo kaneg nan engnga ay ay-ayowanan nan inana danapay pasosowen ya ab-abaen.

Daniel 12:7

Dat ingaton nan anghel nan makanawan ya makanigid ay ledengna id daya daket dengngen ay mensapata siya isnan ngadan nan matatatatago ay Dios danat kanan en, “Awnit tolo ya kagedwa ay tew-en. No makwas nan maaamisan nan ipogaw Apo Dios et awnit ommat et am-in nan naayda ay banag.”

Lucas 21:25

Dat itoloy Jesus ay mangwani, “Awnit wada pay nan kaeegyat ay ommat isnan agew, isnan bowan ya isnan taltalaw. Am-in ay ipogaw isnan batawa et awnitda omegyat isnan dakkel ay dalloyon ya napigsapigsa ay ngengen nan baybay.

Roma 11:25

Bebsatko, wada nan ipagtekko ken dakayo ay egay naipagtek id kasin. Kayatko ay ipagtek tapno adi kayo men-et-etek gapo isnan naisalakananyo dapay egay pay laeng nan Judio. Tay nan nang-adyanan nan tapin di Judio ay mamati ken Kristo et adi maitoloy ay enggana. Awnitda mamati abes ngem sokod maanay nan bilang nan baken Judio ay maisalakan.

Hebreo 11:34

Nan tapin di inik-ikkanda et nakapatpateyda is napigsapigsa ay apoy ya nakalasatda isnan ipogaw ay mangpatey koma ken daida. Olay nakapsotda ngem inpapigpigsan Apo Dios daida. Isonga pilmi nan pigsada ay nang-abak isnan bosbosoda ay omey manggobgobat ken daida.

Naipagtek 11:2

Ngem adim loklokoden nan pantew di Templo tay epdas naited isnan adi mamati ken Apo Dios ta paasiasiyenda nan ilin Apo Dios is epatpoo ya doway bowan.