Lucas 21:22 - Kalin Apo Dios

²² Tay siya na nan pinagdodosa ay matongpalan nan am-in ay insolat din mamadto id kasin.

Lucas 21:22 Iomraidhean Croise

Isaias 61:2

Inbaana sak-en ay mang-ipagtek gedan isnan awnitna mang-isalakanan isnan ipogawna danapay abaken nan mangbosboso ken daida. Inbaana gedan sak-en ay mangliwaliw isnan am-in ay menseseg-ang.

Malakias 4:1

Dat pay kanan nan manakabalin ay apo en, “Omdan et nan agew ay mapoowan nan am-in ay lastog ya ngawi ay ipogaw ay kaneg isnan mapoowan di gomang. Isnan agew ay deey et mapoowanda engganay maid polos mabay-an ken daida.

Mateo 1:22

Inommat am-in dana tapno matongpal din inpasolat Apo Dios isdin mamadtona id kasin en,

Roma 2:5

Ngem dakayo et adi kayo menbabawi tay menkenteg nan oloyo. Isonga am-amed nan madosaanyo isnan agew ay mangipailaan Apo Dios isnan ligetna ay mangdosa isnan egay nangpati ken siya isnan mangbanagana ay maiyostoosto isnan kaipoipogaw.

Deuteronomio 32:34

Adi kalkalingkingan nan apo nan inikkan nan mang-ap-apos isnan Israelita. Sesed-ena nan osto ay timpo ay mangdosaana ken daida.

Deuteronomio 32:43

Dakayo ay kailiili, masapol ay patgenyo nan ipogaw Apo Dios. Tay si Apo Dios nan mangdosa isnan am-in ay mangpatpatey isnan ipogawna ya baesana nan mangbosboso ken daida. Ngem pakawanena nan basbasol di ipogawna.”

2 Pedro 2:9

Gapo isnan deeyda ay inommat id kasin et mamagtek ay getken Apo Dios ay mang-ikkan isnan osto tay isalsalakana nan mapalpaligatan ay ipogaw ay mangpati ken siya danapay dosaen nan adi mangpati ken siya. Awnitna dosaen isnan agew ay omdanan nan mangbanagana isnan ipogaw.

2 Pedro 3:7

Ngem inbagan Apo Dios abes ay awnit mapoowan nan batawa. Olay nan daya et maitapi abes ay mapoowan. Ngem sokod omdan nan agew ay kanan Apo Dios en ommatana. Et siya nan makwani en agew ay mabanag nan am-in et am-in ay maid pammatida ken siya et madadaelda.