Lucas 21:21 - Kalin Apo Dios

²¹ et masapol ay nan ipogaw id isna Judea et menbakwitda isnan bilbilig. Isonga nan mentetee id Jerusalem masapol ay komaanda ya nan linmokso abes et masapol ay adida somaa id Jerusalem.

Lucas 21:21 Iomraidhean Croise

Genesis 19:17

Dat kanan san anghel, “Ikamoyo ay lomayaw ta adi kayo katey! Ngem masapol ay adi kayo menligligos ay mang-ila isnan nagapowanyo ya adi kayo somalsaldeng engganay omdan kayo isnan bilbilig tasiyay adi kayo katey!”

Genesis 19:26

Ngem san asawan Lot ay naod-odi et ninligos ay nang-ila isnan ilida ay mapop-oowan isonga dat menbalin is asin tay egayna tinongpal san inbagan san anghel.

Mateo 2:1

Isdin kaalin Herod et siya nan naiyanakan Jesus id Betlehem ay esay ili isnan probinsiya ay Judea. Issan deey ay timpo et inmey id Jerusalem nan mamasilib ay aamam-a ay nagapo isnan balaan di agew. Daida nan mang-ad-adal isnan maipanggep nan talaw. Omdanda pay dadat sooten,

Mateo 24:16

Isonga isnan mang-ilaanyo is dana et masapol ay nan ipogaw id Judea et menbakwitda isnan bilbilig.

Marcos 13:15

Et nan wada isnan pantewna et adiyet songgep ay mang-ala isnan bonagna.

Naipagtek 18:4

Kinwanina di daket dengngen nan esa pay ay kali ay nagapo id daya ay mangmangwani en, “Dakayo ay ipogawko, komaan kayo isnan sana ay ili. Lomayaw kayo ta adi kayo maitapi isnan bomasbasolana ya ta adi kayo maitapi gedan isnan kadosaana.