Lucas 20:20 - Kalin Apo Dios

²⁰ Enggana isdi et ninses-eedda is gawis ay timpo ay mangdepapanda ken siya. Linagbowanda nan tap-in di lalalaki dadat ibaa daida ta omeyda aginsisingpet ay mang-allilaw ken Jesus tapno waday ikkanda ay mangdepap ken siya ta eyeyda isnan gobilnadol.

Lucas 20:20 Iomraidhean Croise

Salmo 38:12

Nan deeyda pay mang-ap-apos ken sak-en et kayatda ay mangpatey. Nan wada nan panggepda ay mangdadael ken sak-en et padakesenda sak-en dadapay mentolag is ikkanda ken sak-en.

Salmo 66:3

Kananyo ken Apo Dios en, “Kaskasdaaw nan ik-ikkam tay gapo isnan pilmi ay panakabalinmo et lomnek nan mang-ap-apos ken sik-a dadapay menpaypayegpeg ay menlokbob isnan sagangmo.

Salmo 81:15

Menlokbob nan mangliliget ken sak-en ay apo gapo is egyatda ya maid patenggan nan madosaanda.

Jeremias 20:10

Dedengngek nan am-in ay mang-iyag-agasaas en, ‘Si todi nan iyeg-egyatda isnan am-in ay ili. Idalom tako siya.’ Olay nan gayyegayyemko et sesed-enda nan maabakak dadapay kanan en waay nganngani ay maallilawak ta ikkak nan baken osto tapno mangdepapda ta men-ibaesda.

Mateo 27:2

Dadat galoten nan ledengna esadapay eyey ken Pilato ay gobilnadol.

Marcos 3:2

Wada isdi nan mangkayat ay mangidalom ken Jesus isonga sis-iimenda siya mo agasana san nabingoy tapno pabasolenda siya tay law-enda nan men-obla isnan obaya ay olay nan men-agas.

Lucas 11:54

tay kaytenda ay depapen no waday kanana is ngawi ta waday gapo is mangipabasolanda ken siya.

Lucas 20:21

Dat omey san lalalaki ken Jesus et kananda en, “Apo, getkenmi ay ostoosto am-in nan kankanam ya it-itdom ya maid paam-amdem isnan nangato ya nababa ay ipogaw nodi isolsolom nan tet-ewa ay kayat Apo Dios ay ikkan di ipogaw.

Lucas 20:26

Egayda nakaallilaw ken siya isnan kad-an nan adoado ay ipogaw ya nasdaawda isnan insongsongbatna isonga dadat igiginek.

2 Pedro 2:3

Adoado nan kampot ay ibagbagan nan agin-iisolo tay nan sipingyo nan gamgamgamanda. Ngem enggana isdin damdamo et nabanagda ay madosa tay adi kaseseyep si Apo Dios nodi getkena nan am-in.