Lucas 2:4 - Kalin Apo Dios

⁴ Si Jose abes ay nagapo id Nazaret ay esay ili id Galilea et inmey menpalista id Betlehem ay esay ili id Judea ay ilin din si Ali David. Siya nan inmayana tay siya et apon din si Ali David.

Lucas 2:4 Iomraidhean Croise

Mikias 5:2

Kanan nan apo en, “Nan ili ay Betlehem ay Efrata et siya nan esa ay kaban-egan ay ili isnan Juda ngem awnit isdi nan magapowan nan mentolay isnan Israelita ay nan napowana et ipogaw id kasikasin.”

Mateo 1:20

Ngem idi nemnemnemena pay nan ikkana dat menpaila ken siya isnan iitawna nan anghel ay nagapo ken Apo Dios ay mangwani en, “Jose, ay apon Ali David, adika madanagan ay mang-asawa ken Maria tay nan malitonana et gapo isnan kabaelan nan Ispirito Santo.

Mateo 2:23

Dadat omey mentee isnan esa ay ili ay makwani en Nazaret. Et siya nan natongpalan nan kinwanin din deeyday mamadto id kasin maipanggep ken Jesus en, “Awnit kananda en siya nan iNazaret.”

Lucas 2:3

Daet wasdin omey menpalista isnan ilin di alal-apoda id sang-adom.

Lucas 2:5

Si Maria et nakkey ken Jose ay menpalista tay naitoya ay men-asawada. Maliton si Maria

Lucas 4:16

Inmey si Jesus isnan nasiknana ay ili ay Nazaret. Sinabado ay obayan di Judio dat isnan esay Sabado et inmey siya isnan sinagoga tay siya nan sigod ay ogalina. Dat tomakdeg ay mangibasa isnan kalin Apo Dios

Juan 1:46

“Ayke waday gawis is magapo id Nazaret?” kinwanin Natanael. Dat kanan Felipe, “Aka bawet ta enta ilaen.”

Juan 7:42

Tay kanan nan kalin Apo Dios ay naisolat id kasin en magapo kano si Kristo isnan ap-on David et maiyanak id Betlehem ay ilin din si David.”

1 Samuel 16:1

Dat kanan nan apo ken Samuel en, “Kaat nan kabayag nan mang-ag-agaam ken Saul dapay binaybay-ak siya ay alin di Israelita? Ngem id wani, omalaka bawet is lanan di olibo dakat omey id Betlehem isnan esay am-ama ay kangadan is Jesse tay pinilik nan esa ay anakna ta siya nan men-ali.”

1 Samuel 16:4

Dat ikkan Samuel san inbagan nan apo. Omdan pay id Betlehem dat sab-aten nan aamam-an di ili ay omeegyat ay mangsoot en, “Apo, ay paggawisan nan inalim?”