Lucas 2:37 - Kalin Apo Dios

³⁷ et waompoo ya epat ay tew-ena ay nabalo. Wedweda ay mentetee isnan Templo tay inagew ya linabi ay menteptepe ay menlol-owalo ya mendaydayaw ken Apo Dios.

Lucas 2:37 Iomraidhean Croise

Salmo 22:2

0 Diosko, isnan kag-aw et mendawdawatak ngem maid songbatmo. Mendawdawatak gedan isnan labi dakpay adi kayet makakin-e.

Salmo 23:6

Getkek ay nan kinagawismo ya layadmo et wawawawada ken sak-en isnan matatagowak ya makiteeak isnan kad-am ay eng-enggana.

Salmo 27:4

Nan esa ay dawatek isnan apo ay kakakayatko ay dawaten ken siya et makiteeak koma isnan templona enggana ay matatagowak ta makigasingak isnan kinagawisna ya ta dawatek nan panangiwanwanedna.

Salmo 84:10

Gag-awis nan esay agew ay kawad-ak isnan Templom mo nan sinlibo ay agew isnan teken ay logal. Mas kaykaytek ay menbantay isnan segpan nan baey di Diosko mo nan mentetee isnan baey di makedse.

Salmo 84:4

Nagasat nan mentetee isnan baeymo ay kanayon ay menkankanta ay mangdaydayaw ken sik-a.

Salmo 92:13

Owen, gomawisda ay kaneg nan kaiw ay nais-ek isnan pantew di Templon Apo Dios.

Lucas 5:33

Sinootda ken Jesus ay mangwani en, “Nan papasolot Juan et wada nan mentepeanda ay adi mangan isnan obaya dadapay menlol-owalo ay kaneg abes nan papasolot nan Fariseo dapay nan papasolotmo et adida mentepe.”

Aapostolis 13:3

Isonga kasinda ninlowalo ya nintepe dadat ipatang nan ledengda isnan olon da Bernabe ken Saulo ay mangdotok ken daida. Dadat papikaen daida ta omeyda ikkan nan kayat Apo Dios ay ikkanda.

Aapostolis 14:23

Dadat mendotok is kalebbeng ay mangipangpango isnan iib-ada ay mamati isnan tonggal paggimgimongan nan mamati ken Jesus. Dadat mentepe ay mangilowalo ay mangitalek ken daida ken Apo Jesus ay mamatiyanda.

Aapostolis 26:7

Dapay siya nan sedsed-en nan am-in ay Judio isnan mangdaydayawanda ken Apo Dios isnan kaageagew ya kalabilabi. Et gapo isnan naay ay namnama et siya di nan mangipabasolanda ken sak-en, Apo Ali Agripa.

1 Timoteo 5:5

Nan balo ay babai ay maeesang ay maid ipogaw is mangbadang ken siya et si Apo Dios nan taltalkena ay mangbadbadang ken siya isonga itoltoloyna ay mendawdawat isnan kag-aw wenno labi.

Naipagtek 3:12

Tay nan adi mangipalobos ay abaken Satanas et ipasgepko siya ay adi makakakak-aan isnan kad-an Apo Dios. Menbalinek siya ay kanega tokod isnan Templon Apo Dios ay maid makakaan. Et awnitak imalka ken siya nan ngadan Apo Dios ya nan ngadan di ilin Apo Dios ay makwani en balo ay Jerusalem ay awnit magapo ken Apo Dios id daya ya imalkak gedan ken siya nan balo ay ngadanko.

Naipagtek 7:15

Isonga menteteeda id wani isnan sagang di tokdowan Apo Dios ta mensilsilbida isnan Templona ay inagew ya linabi. Et san tomotokdo ay mentolay et banbantayana daida tay wada siya ay maitatapi ken daida.