Lucas 2:32 - Kalin Apo Dios

³² Kaneg siya nan silaw ay mang-itdo olay isnan baken Judio tapno ilaenda nan daan ay omey ken sik-a. Isonga gapo isnan onga ay naay awnit madayaw nan Judio.”

Lucas 2:32 Iomraidhean Croise

Salmo 85:9

Tet-ewa ay nakasagana ay mang-isalakan isnan mendaydayaw ken siya tapno wawawawada nan dayawna isnan daga tako.

Isaias 11:10

Isnan deey ay agew et menbalin ay sinyal nan ali ay kap-owan David isnan kailiili dat madagop nan kaipoipogaw isnan ostoy ilina ay mangdayaw ken siya.

Isaias 45:25

Sak-en ay apo nan awnit mang-isalakan isnan am-in ay ap-on Jacob et awnitda mangdayaw.”

Isaias 49:6

Dat kanan nan apo ken sak-en en, “Wada nan am-ammed ay ipaoblak ken sik-a ay baak. Baken kedeng nan mang-isagongam isnan kinangaton nan ipogaw di Israel ay nabay-an is ikkam nodi ibaak sik-a pay ay omey mang-itdo isnan baken Israelita ay manglawag isnan nemnemda ta waday waya ay maisalakan am-in ay ipogaw isnan batawa.”

Isaias 49:9

Daket kanan isnan balod en, ‘Mapalobosan kayo.’ Dakpay kanan isnan wada isnan menbolinget en, ‘Bomala kayo isnan kad-an di silaw.’ Et awnit kan-egda nan kalnilok ay mangmangan isnan bilig.

Isaias 51:4

Dakayo ay ipogawko, dengngenyo sak-en. Idngeyo nan kanak ta ipagtekko nan isolsolok isnan kailiili. Awnit silawan nan lintegko daida.

Isaias 9:2

Nan ipogaw isdi et menbolinget nan nemnemda isonga kanegda natey tay adida getken si Apo Dios. Ngem awnit isdi nan mentanggewan nan silaw tay omey nan mang-isolo ken daida et awnit matanggewan nan nemnemda.

Mateo 4:16

Nan ipogaw isdi et menbolinget nan nemnemda isonga kanegda natey tay adida getken si Apo Dios. Ngem awnit isdi nan mentanggewan nan silaw tay omey nan mangisolo ken daida et awnit matanggewan nan nemnemda.”

Lucas 2:10

Ngem dat kanan san anghel ken daida, “Adi kayo omegyat. Tay wada nan gawis ay ipadamagko ken dakayo ay mangpagasing isnan am-in ay ipogaw.

Aapostolis 26:23

Tay inbagada en awnit wada nan ibaan Apo Dios ay si Kristo et masapol ay matey siya ngem awnit siya nan damo ay kasin matago. Et siya nan mangipagpagtek isnan Judio ya nan baken Judio tapno malawagan nan nemnemda ta maisalakanda.”

Aapostolis 28:28

Dat itoloy Pablo ay mangwani en, “Isonga ipagtekko ken dakayo en id wani et layden Apo Dios ay maibaga nan maipanggep ken Kristo isnan ipogaw ay baken Judio tay daida nan mangidnge ta maisalakanda.”

1 Corinto 1:31

Isonga kaneg nan naisolat id kasin en no waday ipangato tako et baken nan awak tako nodi si Kristo nan maipangato.

Naipagtek 21:23

Nan ili gedan ay deey et adina masapol nan silaw di agew ya bowan tay menpat-a gapo isnan silang Apo Dios ya san Kalnilo.