Lucas 2:25 - Kalin Apo Dios

²⁵ Id Jerusalem wada nan esay am-ama ay kangadan is Simeon ay mangses-eed isnan kaisalakanan nan Judio. Gawigawis nan ogalina tay patiyena nan bilin Apo Dios ya daydayawena siya. Tinakdon nan Ispirito Santo siya

Lucas 2:25 Iomraidhean Croise

Genesis 6:9

Gawis nan ogalina et kedkedeng siya is gawis ay ipogaw issan timpona tay tongtongpalena si Apo Dios.

Isaias 25:9

No ommat na dadat kanan en, “Siya nan Dios tako. Nintalek tako ken siya et insalakana met datako. Siya nan apo. Nintalek tako ken siya et id wani pilmi ay men-gasgasing tako tay isalsalakana datako.”

Isaias 40:1

Kanan nan Diosyo en, “Liwliwaliwenyo nan ipogawko. Owen, liwliwaliwenyo daida.

Mikias 6:8

Adi, tay inbagan nan apo nan gawis ay ikkan tako et siya na. Ikkan tako nan osto datakopay ipaila nan layad ya seg-ang tako ya menpakombaba tako ay mangtongtongpal ken Apo Dios.

Nomero 11:25

Dat gomowab nan apo ay naitatapi isnan liboo et makikali ken Moses. Inalana nan tapin di laing ay nagapo isnan Ispiritona ay inidyana ken Moses id kasin et idyana issan pitompoo ay men-ipangpango ay lalalaki. Idi sinonggep nan Ispirito ken daida, ilogida et ay masibobogaw is siawyan ay kan-egda mamadto.

Nomero 11:29

Dat kanan Moses en, “Ay madanaganka od ken sak-en? Sapay koma kitdin ta idyan nan apo nan Ispiritona isnan am-in ay ipogawna ta men-ipadtoda ay kaneg mamadto.”

Marcos 15:43

et intotoled Jose ay iyArimatea ay omey ken Pilato ay mangdawat isnan awak Jesus. Si Jose et wada nan saadna tay esay ap-apon di Judio. Siya abes nan nangses-eed isnan mentolayan Apo Dios.

Lucas 1:41

Issan nangdengngan Elisabet isnan kalin Maria dat menkiwi nan onga isnan egesna et takdowen nan Ispirito Santo siya ay mang-itdo isnan kanana.

Lucas 1:6

Gawis nan ogalida ay sin-asawa isnan pangiilaan Apo Dios tay pinatpatida am-in nan bilina.

Lucas 1:67

Si aman Juan ay Zacarias et tinakdon nan Ispirito Santo danat kanan en,

Lucas 2:38

Isdin nangisgepanda ken Jesus et wada gedan si Ana isdi ay nin-iyaman ken Apo Dios maipanggep isnan onga danat sodsodoken nan onga isnan ipogaw ay mangses-eed isnan mangsobotan Apo Dios isnan ipogaw id Jerusalem.

Aapostolis 10:2

Olay no baken Judio si Cornelio et napigsa nan pammatina ken Apo Dios. Si Apo Dios nan daydayawenda ay sinbaey ya adoado nan badangna isnan Judio ay kokodokdo. Kanayon abes ay menlol-owalo.

Aapostolis 10:22

Dadat kanan en, “Si Kapitan Cornelio nan nangbaa ken dakami. Si Cornelio ay apomi et gawigawis ay ipogaw et si Apo Dios nan daydayawena. Olay nan ib-ayo ay Judio et gawigawis nan kankananda ay maipanggep ken siya. Et wada nan ninpaila ken siya ay esay anghel Apo Dios et inbagana ta ipaayagna sik-a ta dengngena no ngan di ibagam ken siya.” Siya di nan kinwanida.

Aapostolis 2:5

Isnan timpo ay deey wada id Jerusalem nan adoado ay Judio ay mangdaydayaw ken Apo Dios ay nagapo isnan kailiili isnan batawa.

Aapostolis 24:16

Gapo tay siya di nan patpatiyek et padpadasek ay mang-ikkan isnan gawis tasiyay adiyak mabainan ken Apo Dios ya isnan ipogaw.

Deuteronomio 18:15

Nodi awnit pomili is mamadto ay kaneg ken sak-en ay kailyanyo ta siya nan patiyenyo.