Lucas 2:21 - Kalin Apo Dios

²¹ Issan maikawao ay agew san onga dadat segyatan dadapay ngadnan tay siya nan ogalin di Judio. Nan inpangadanda et Jesus tay siya san inbagan di anghel esapay mainginaw.

Lucas 2:21 Iomraidhean Croise

Genesis 17:12

Menlogi id wani enggana is kasin et masapol ay masegyatan nan engnga ay lalaki isnan maikawao ay agewna. Maitapi gedan nan anak di baa ay maiyanak isnan bab-aeyyo. Masapol gedan ay masegyatan nan baa ay malakowan isnan teken ay ipogaw.

Mateo 1:21

Awnit omanak siya is lalaki dakayot ngadnan siya is Jesus tay siya nan awnit mangisalakan isnan kaipoipogaw ta adida kadosdosa gapo isnan basbasolda.”

Mateo 1:25

Ngem egayna inid-idlen si Maria engganay binmala nan anakna. Dat ngadnan Jose siya is Jesus.

Mateo 3:15

Ngem dat kanan Jesus, “Olay, tay gawis no ikkanta nan layden Apo Dios.” Isonga dat bonyagan Juan si Jesus.

Lucas 1:31

Awnit malitonka et omanakka is lalaki dakayot ngadnan is Jesus.

Lucas 1:59

Nan ogalin di Judio et no maikawao ay agew nan onga dat madagop nan ag-ida et segyatanda dadapay ngadnan. Sinegyatanda san onga et ipangadanda koma nan ngadan amana ay Zacarias

Filipos 2:8

Isnan ninbalinana is ipogaw et inpababana nan nemnemna Ta tongpalena nan gandat Apo Dios ken siya ay enggana isnan kaeegyat ay ikateyna ay nan mailansaana isnan kros.