Lucas 19:46 - Kalin Apo Dios

⁴⁶ danat kanan ken daida, “Naisolat isnan kalin Apo Dios en, ‘Nan baeyko et paglol-owalowan di ipogaw.’ Siya di nan inbagan Apo Dios ngem ngan nan ik-ikkanyo? Dakayon aped os-osalen is pagsos-owitikan?”

Lucas 19:46 Iomraidhean Croise

Salmo 93:5

Nan lintegmo apo et ostoosto. Maid patenggan ay kinapateg nan maibagay isnan Templom.

Isaias 56:7

“Awnitak iyey dakayo id Sion ay nan nadiosan ay biligko daket pagasingen dakayo isnan baeyko ay paglowalowan dakpay dawaten nan idatonyo isnan altarko. Nan baeyko et paglol-owalowan di ipogaw ay nagapo isnan am-in ay ili.”

Jeremias 7:11

Ay isnan pangiil-anyo et pagsowitikan nan Templok? Getkek tay mismo ay inilak nan ik-ikkanyo.

Mateo 21:13

Danat kanan ken daida en, “Naisolat isnan kalin Apo Dios en, ‘Nan baeyko et paglol-owalowan di ipogaw.’ Siya di nan inbagan Apo Dios ngem ngan nan ik-ikkanyo? Dakayon aped os-osalen ay pagsos-owitikan?”

Mateo 23:13

Dat itoloy Jesus ay mangwani en, “Aye nan awnityo dosa, dakayo ay men-is-isolo isnan linteg ya Fariseo tay aginsosolot kayo ken Apo Dios. Seseyatanyo nan maitapi koma isnan mentolayan Apo Dios gapo isnan isolsoloyo ya isnan ik-ikkanyo. Adi kayo polos maitapi gapo isnan ogaliyo dayopay adi ipalobos nan mangkayat ay maitapi.

Marcos 11:17

Danat isolowan daida ay mangwani en, “Naisolat isnan kalin Apo Dios en, ‘Nan baeyko et paglol-owalowan am-in di ipogaw.’ Siya di nan inpasolat Apo Dios ngem ngan nan ik-ikkanyo? Dakayon aped os-osalen ay pagsos-owitikan nan baeyna?”