Lucas 18:32 - Kalin Apo Dios

³² Maidyaak isnan baken Judio et awnitda mangselselat, mangbaibain dadapay mangtobbatobba.

Lucas 18:32 Iomraidhean Croise

Isaias 50:6

Inpalobosko ay saplitenda nan edegko ya egayko pinasaldeng daida isnan nangbab-ainanda ken sak-en ya binaybay-ak ay gabotenda nan omengko dadapay tobaan nan angasko.

Isaias 52:14

Ado nan ipogaw ay nasngang isnan nang-il-anda tay inmasiasi ay kaneg baken ipogaw nan ilana.

Isaias 53:3

Iniiyaw ya inadyanmi siya danapay intoltoled nan ligat ya sakit. Maid pay polos mangmoli ken siya ya egaymi inkaskaso siya ay kaneg maid silbina.

Mateo 16:21

Enggana isnan deey ay timpo et inbagan Jesus isnan papasolotna nan awnit ommat ken siya. Kinwanina ken daida, “Masapol ay omeyak id Jerusalem et awnit paligaten nan aamam-an di Judio ya nan menkangangato ay papadi ya nan men-is-isolo isnan linteg sak-en ya awnitda mangipapatey ngem isnan katlon di agew et kasinak matago.”

Mateo 20:19

Dadat idya sak-en isnan baken Judio et awnit mangselaselatda ya mangbaibaigda dadat omilansa isnan kros. Ngem awnitak kasin matago isnan maikatlo ay agew.”

Mateo 22:6

dapay depapen nan tap-ina san deeyday baa et baigenda ay mangpatey ken daida.

Mateo 26:67

Dadat tobbatobbaan dadapay tipatipaken nan angasna. Dat kanan san nangtipak ken siya,

Mateo 27:2

Dadat galoten nan ledengna esadapay eyey ken Pilato ay gobilnadol.

Marcos 14:65

Dat ilogin nan tap-in di ipogaw ay mangtobba ken Jesus dadat komonan nan matana et tipakenda siya dadapay kanan, “No tet-ewa ay mamadtoka, kadya ibagam no sino nan nangtipak ken sik-a.” Dat maitapi nan gogowaldiya et sogtowenda siya.

Marcos 15:1

Wiit dat kasin madagop nan menkangangato ay papadi ya nan aamam-a ya nan men-is-isolo isnan linteg ya nan tapin di menlelebbeng nan Judio ta mentotolagda is esada ikkan. Dadat galotan nan ledeng Jesus esadapay eyey ken Pilato ay gobilnadol.

Lucas 18:33

Awnitda mangbaibaig sadapay mangpatey. Ngem awnitak kasin matago isnan maikatlo ay agew.”

Lucas 23:1

Am-in san wada isdi ay nangidalom ken Jesus et tinmakdegda dadat eyey si Jesus ken Pilato ay gobilnadol

Lucas 23:11

Dat saysayoten ya selselaten da Herod ya nan sosoldadona si Jesus. Dadat badowan siya is badon di ali esadapay pasagongen ken Pilato.

Lucas 23:35

San kaipoipogaw et tomatakdegda ay mangboyboya dapay saysayoten nan aap-apon di Judio ay mangmangwani en, “Insalakana kano nan tap-in di ipogaw. Isonga isalakana koma abes nan awakna no tet-ewa ay siya si Kristo ay inbaan Apo Dios.”

Juan 18:22

Idi nakakali si Jesus dat tipaken nan esay gowaldiya siya danapay kanan, “Dan aped kaneg tosa nan ikkam ay mangsongbat isnan kangatowan ay padi?”

Juan 18:28

Wisngit dat ikaan san aap-apon di Judio si Jesus issan baey Caifas et eyeyda isnan baey Gobilnadol Pilato. Ngem egayda songgep tay nan ogalida et no songgepda isnan baey di baken Judio et adi mabalin ay makikanda isnan Fiestan di Linmaosan di Anghel tay bakenda nadalos.

Juan 18:30

Dadat kanan, “Adimi aped iyali siya ken sik-a no maiwed basolna.”

Juan 18:32

Siya di nan inommat ta matongpalan din inbagan Jesus ay ikkakan di kateyana.

Juan 18:35

Dat kanan Pilato, “Aykeak Judio? Nan kailiyam ya nan menkangangato ay papadiyo nan nangidalom ken sik-a isna. Ay ngan nan basolmo?”

Aapostolis 2:23

Id kasin et ninenemnem Apo Dios nan ommat ken Jesus. Et natongpal tay inpapateyyo isnan iRoma ay makedse ay ipogaw et inlansada isnan kros.

Aapostolis 3:13

Baken dakami tay si Apo Dios ay dinaydayaw din alal-apo tako ay da Abraham ken Isaac yas Jacob nan nangipagawis ken siya ta madayaw si Jesus ay inbaana ken datako. Ngem indalomyo siya isnan iRoma dayopay inadyan isnan nangbistaan Pilato ken siya olay linayad Pilato ay ipalobos siya.