Lucas 17:3 - Kalin Apo Dios

³ Isonga makail-ilanyo ta adiyo aw-awisen nan ib-ayo ay mang-ikkan is ngawi. No makabasol nan ib-am, sagiitem. Dat no menbabawi et pakawanem.

Lucas 17:3 Iomraidhean Croise

Salmo 141:5

Gawis ken sak-en no nan nalinteg ay ipogaw nan mangpaosto ken sak-en ngem adiyak polos layden ay nan makedse nan mang-it-ek ken sak-en tay nan ilol-owalok et nan mangtobngal isnan ngawi ay ik-ikkanda.

Levitico 19:17

Adiyo liligten nan ib-ayo nodi makitoya kayo ay gawis ken daida tapno men-gayyem kayo tapno adi kayo menbasol gapo ken daida.

Mateo 18:21

Nakwas pay di dat omey si Pedro ken Jesus et kanana en, “Apo, no wada nan ib-ak ay mang-ik-ikkan is ngawi ken sak-en et mamin kaat ay pakawanek siya? Ay mamin pito?”

Lucas 21:34

“Makail-ilanyo ta baken nan masapolyo isnan batawa is paam-amdenyo ya adi kayo menbaybayanggodaw ya menboteboteng modatya madanatengak ay adiyo getgetken.

Efeso 5:15

Isonga masapol ay nemnemen tako ay gawis nan ik-ikkan tako ta adi tako kaneg maong-ong-ong nodi kaneg tako koma nan masilib

Deuteronomio 4:15

Dat itoloy Moses ay mangwani en, “Isdin nakikaliyan nan apo ken dakayo isnan menbidbidang ay apoy isnan bilig ay Sinai et maid polos nailayo is menkalkali isonga makailanyo

Deuteronomio 4:23

Makailanyo ta adiyo kalkalingkingan nan nakitolagan nan apo ay Diosyo ken dakayo. Tongpalenyo nan bilina ay adi kayo somapsapo is kompolni ay ila ay sinangdidiosyo.

Deuteronomio 4:9

Isonga masapol ay makailanyo ta adiyo kalkalingkingan nan inil-ilayo enggana ay matatago kayo. Ibagbagayo isnan an-ak ya ap-oyo

Hebreo 12:15

Makailanyo tapno ostoosto nan mangsolsolotanyo ken Kristo tapno tet-ewa ay ganabenyo nan gawigawis ay badang Apo Dios ya makailanyo gedan tapno adi kayo baybay-an nan mang-ik-ikkan is ngawi tay no baybay-anyo daida et siya di nan menlogiyan di golo. Kanegna nan menpait ay no mailaok isnan gawis et papaitena nan am-in.

Santiago 5:19

Bebsatko, nemnemnemenyo ay no wada ken dakayo nan adi mangtongtongpal isnan linteg Apo Dios ngem dat wada ken dakayo nan mangbagbaga ken siya tasiyay solotena kasin si Apo Dios et binadangana siya tasiyay adi omey isnan kadosdosaan di adi mamati et olay no adoado nan basolna et pakawanen Apo Dios.

2 Juan 1:8

Makailanyo ta adi makak-aan ken dakayo nan ginanabyo ay nagapo isnan oblami ay nangibagbaga ken dakayo isnan gawis ay damag. Gawis no awnityo ganaben nan am-in ay kayat Apo Dios ay ited ken dakayo.