Lucas 16:17 - Kalin Apo Dios

¹⁷ Ngem nalaklaka ay mamaid nan batawa ya nan daya mo nan esay kali isnan linteg Apo Dios ay mangibaga isnan osto ay maikkan.

Lucas 16:17 Iomraidhean Croise

Isaias 40:8

Owen, tet-ewa ay nan logam et may-osan ya mamaid nan sabsabong ngem nan kankanan Apo Dios et wawawawada ay enggana.”

Isaias 51:6

Tangadenyo id daya dayot ilaen gedan nan batawa tay awnit mamaid nan daya ay kaneg asok ya nan batawa et madonot ay kaneg nan logak ay lopot dapay golpi ay matey nan kaipoipogaw ay kaneg nan ngilaw. Ngem nan men-isalakanak et maid patenggana et nan kinalinteg di mentoltolayak et maid gedan patenggana.”

Mateo 5:18

Ibagak ken dakayo nan tet-ewa ay engganay wada pay laeng nan batawa ya nan daya et adi polos mabalin ay mamaid nan linteg Apo Dios is olay bassit engganay matongpal nan am-in.

Lucas 21:33

Olay no mamaid nan batawa ya nan wada id daya ngem nan am-in ay kankanak et mawawada kayet ay eng-enggana.”

Roma 3:31

Ngem baken di is kayatko ay kanan ay adi tako paayen nan linteg Apo Dios gapo tay mamati tako. Nodi am-amed tako tongpalen nan lintegna.

1 Pedro 1:25

Ngem nan kankanan Apo Dios et wawawawada ay enggana.” Et kanak ken dakayo en nan kalin Apo Dios et siya gedan nan gawis ay damag ay naibaga ken dakayo.

2 Pedro 3:10

Ngem awnit omdan tet-ewa nan agew ay omali kasin si Kristo ay kaneg nan omaliyan di mangakew tay maid makagtek isnan ommatana. Isnan ommatana et madnge nan lolon nan daya ay maomas ya aped malonag nan am-in ay mentetee isdi dapay mapoowan gedan nan batawa ya am-in ay mentetee.

Naipagtek 20:11

Nakwas di daket ilaen nan dakedake ay masisilangan is polaw ay tokdowan di ali ya nan tomototokdo. Gapo tay wada siya isdi et namanaid nan naay ay batawa ya nan daya et adida mail-ila kasin.

Naipagtek 21:1

Idi nakwas di daket ilaen ay wada nan balo ay daya ya balo ay batawa tay nan inmon-ona ay daya ya batawa ya nan baybay et namaidda.

Naipagtek 21:4

Awnitna kaanen nan am-in ay gapo ay men-ag-agaanda. Awnit maid et matmatey ya maid menseseg-anganda ya maligligatanda tay am-in ay inom-ommat id kasin et namaidda.”