Lucas 15:5 - Kalin Apo Dios

⁵ No datngana san naamas ay daan ay natatago et men-galalasing. Danat boligan

Lucas 15:5 Iomraidhean Croise

Isaias 62:12

Awnit kayo makwani en, “Nadiosan ay ipogaw Apo Dios” ya “Nan ipogaw ay insalsalakan nan apo” et nan Jerusalem et awnit makwani abes en “Nan ili ay laylayden Apo Dios” ya “Nan ili ay egay binaybay-an Apo Dios.”

Isaias 62:5

Awnit men-galalasing nan an-akmo, Jerusalem, ay mang-ayowan ken sik-a ay kaneg nan gasing di baballo isnan mang-asawaana isnan babassang. Et pilmi nan gasing Apo Dios ken sik-a ay kaneg nan gasing di kaas-asawa.

Ezekiel 33:11

Ibagam ken daida ay kanak en nan katet-ewan nan matatagowak ay Dios et siya nan kaneg nan katet-ewan nan kanak ay adiyak men-gasing isnan mateyan di managbasol nodi nan kaytek et ta isaldengna ay menbasbasol tasiyay di matago. Dakayo ay Israelita, dokoganyo nan ngawi ay ik-ikkanyo. Ayta od dakayon kayten ay matey?”

Mikias 5:4

San awnit omali ay mentolay et maitapi isnan men-itolayana nan kabaelan ya panakabalin ay nagapo isnan apo ay Dios. Isonga maolnos nan biyag di ipogawna ta ipagtek nan am-in ay ipogaw isnan batawa nan kinangatona.

Sofonias 3:17

tay nan apo ay Diosyo et wada ken dakayo. Nan kabaelana nan gapo ay mangabak kayo. Awnit igasing nan apo dakayo et gapo isnan layadna ken dakayo et awnit agtana dakayo is balo ay biyag. Awnit menday-eng ya men-gasgasing gapo ken dakayo

Lucas 15:32

Ngem gawgawis no men-gasgasing tako tay dinmateng nan naamas ay innodim ay kanak en natey dat obpay daan ay matmatago.’”

Lucas 15:4

“Kadya, no wada ken dakayo nan kakwa is sin-gasot ay kalnilo dat maamas nan esa, ay ngan nan ikkana? Ay adina taynan nan siyampoo ya siyam isnan pagpastolan ta ena anapen san naamas enggana ay datngana?

Lucas 15:6

et isaana danat ayagan nan gagayyemna ya nan sag-ogongna et kanana, ‘Men-gasgasing tako tay dinatngak nan naamas ay kalnilok.’

Lucas 19:9

Dat kanan Jesus, “Id wani ay agew maisalakan kayo ay sinbaey isnan dosa ay maid patenggana tay nan ikkam et kaneg din inikkan Abraham ay nangtalek ken Apo Dios. Siya di nan kagtekana ay tet-ewa ay apon din si Abraham sik-a.

Lucas 23:43

Dat kanan Jesus ken siya, “Ibagak ken sik-a, id wani ay agew maitapika ken sak-en ay makigasgasing id daya.”

Juan 15:11

Inbagak na ken dakayo tasiyay makigasgasing kayo ken sak-en ay eng-enggana.

Efeso 2:10

Tay si Apo Dios et kedeng nan mangipabalo isnan biyag tako gapo isnan naitapiyan tako ken Jesu Kristo tapno ikkan tako koma nan gawis ay ninemnemna id kasin ay awnit tako ikkan.

Efeso 3:7

Inbaan Apo Dios sak-en ta ibagak nan gawis ay damag et inyalina gedan nan laingko ay mang-ikkan gapo isnan kabaelana.

1 Tesalonica 1:5

Getkenmi na tay dadama nan badang nan Ispirito Santo ken dakami issan nangibagbagaanmi isnan gawis ay damag ken dakayo. Tay baken kedeng nan kinkinwanimi is dindinngeyo nodi linikliknayo nan kabaelan nan Ispirito Santo ay nangipagtek isnan tet-ewa. Isonga pinatiyo san kinkinwanimi. Getkenyo nan gawis ay inik-ikkanmi isdin nakiteteanmi ken dakayo et siya dadi gedan nan mangbadang ken dakayo ta mamati kayo.

2 Timoteo 2:26

No patiyenda nan tet-ewa et malopsotda isnan kaneg biton Satanas tay siya di nan mentetean nan adi mamati ta ipaik-ikkan Satanas ken daida nan kayatna.

Hebreo 12:2

Nemnemnemen tako ay kanayon si Jesus tay siya nan ostoosto ay mangipaila isnan tet-ewa ay pammati. Initpena nan nangilansaanda ken siya isnan kros ay maid polos lilina. Egayna polos nemnemnemen nan naipababainana tay ninemnemna nan pilmi ay gasingna no makwas nan oblana ay mangisalakan ken datako. Et id wani wada siya ay tomotokdo isnan kad-an di kapatgan ay wada isnan makanawan nan tomotokdowan Apo Dios ay mentoltolay.

1 Pedro 1:5

Gapo isnan kabaelana, salsalakniban Apo Dios dakayo gapo tay mamati kayo ken siya. Banbantayana dakayo tapno adi kayo nalaka ay madolog engganay omdan nan maodi ay agew ay omaliyana ay mang-ala ken dakayo tapno makitee kayo ken siya ay eng-enggana.