Lucas 13:17 - Kalin Apo Dios

¹⁷ Gapo isnan kinwanin Jesus, nabainan am-in san mang-ap-apos ken siya. Ngem san tap-in di ipogaw et men-gasingda isnan am-in ay kaskasdaaw ay inik-ikkana.

Lucas 13:17 Iomraidhean Croise

Salmo 109:29

Dadama koma ay mabainan nan mang-ap-apos ken sak-en. Kanegda ibado koma nan maibabainanda.

Salmo 111:3

Nadayaw ya napateg am-in ay ik-ikkana ya nan kinalintegna et wada ay eng-enggana.

Salmo 132:18

Awnitko baibainan nan mang-ap-apos ken David daket panam-ayen nan mentolayana.”

Salmo 40:14

Nan mangkayat ay mangpatey ken sak-en et maibabainda koma ya makolkol nan nemnemda. Daida ay mangkayat ay mangdadael ken sak-en et maseyatanda koma dadapay mabaibainan.

Isaias 45:24

Dadapay kanan en si Apo Dios et kedeng nan kagapowan di kinalinteg ya pigsa. Ngem am-in ay mangliliget ken sak-en et awnitda mabainan.

Lucas 14:6

Ngem adida makasongbat issan kinwanina.

Lucas 18:43

Dat maganawis et makaila dadlo daet omonod ken Jesus ay mangdaydayaw ken Apo Dios. Issan nang-ilaan san kaipoipogaw issan inommat dadat abes dayawen si Apo Dios.

Lucas 19:48

ngem maid somya is ikkanda ay mangpatey ken siya tay am-in nan ipogaw et laylaydenda ay dengdengngen am-in nan kankanana.

Lucas 20:40

tay adida et maitoled ay mensoot ken Jesus.

Aapostolis 4:21

Dat eg-egyaten nan menlelebbeng da Pedro esadapay palobosan daida tay adida getken nan ikkanda ay mangdosa ken daida tay omegyatda isnan kaipoipogaw tay daydayawenda si Apo Dios gapo isnan inikkan da Pedro isnan napilay.

2 Timoteo 3:9

Ngem adi mabayag dat getken am-in nan ipogaw nan ngawi ay ik-ikkanda ay kaneg din inommat ken Janes yas Jambres.

Tito 2:8

Paostowem ay gawis nan kanam tapno adi mabalin ay madelaw tapno mabainan nan mang-ap-apos ken datako gapo tay maid somya is mangdelawanda ken datako.

1 Pedro 3:16

Masapol abes ay maid ik-ikkanyo is maibabainanyo tapno no iyawen nan mangmangwani isnan ngawi ay maipanggep isnan ogaliyo et daida nan mabainan.