Lucas 12:46 - Kalin Apo Dios

⁴⁶ Daet somaa san apoda isnan agew ay adi getgetken san baa daet dosaen nan apoda siya et ipaliknana ken siya nan dosan di adi katalek ay baa danat pateyen.

Lucas 12:46 Iomraidhean Croise

Salmo 11:5

Banagena nan makedse ya nan gawis ay ipogaw ay maid paam-amdena ngem dadama ay kaliligetna nan ipogaw ay mangkaykayat is ngawi.

Salmo 37:9

Tay nan mangik-ikkan is ngawi et maipakaanda ngem nan mentalek isnan apo et awnitda tawiden nan daga.

Salmo 94:14

Adi polos baybay-an nan apo nan ipogawna ya adina taytaynan daida ay pinilina.

Mateo 24:50

Dat somaa nan apoda isnan agew ay adi getgetken san baana.

Mateo 24:51

Daet dosaen nan apoda siya et itapina siya isnan dosan nan aginsosolot ken Apo Dios isnan kad-an nan pilmi ay ligat. Et men-ag-ag-aga dapay men-oowakis isdi gapo isnan pilmi ay ligatna.”

Lucas 12:40

Isonga dakayo et kanayon ay masapol ay mensasagana kayo abes tay maid mangtek no tongona nan omaliyak ay Iyon-an Am-in di ipogaw.”

Lucas 12:45

Ngem nan adi katalek ay baa et nenemnemena ay waay madmadney nan somaaan nan apona isonga ngawi nan ikkana tay baigena nan ib-ana ay baa ay lalalaki ya bababai ya aped makikikan isnan ipogaw dapay menboteng.

Lucas 12:47

Nan baa ay mangtek isnan kayat nan apona ay ikkan ngem adina tongpalen et madosa siya is mendagsen.

Naipagtek 16:15

Dadat dagopen nan al-ali ya nan sosoldadoda isnan kadagdagopanda ay kanan nan Judio en Armagedon. Ngem kankanan Jesu Kristo en, “Dengngenyo na. Awnitak omali isnan adiyo getken ay timpo ay kaneg nan ikkan nan mangakew. Nagasat nan nakasagana ay mangses-eed ken sak-en ay adi kaseseyep nodi menbabado tasiyay adi kabain isnan omaliyak.”