Lucas 12:31 - Kalin Apo Dios

³¹ Isonga paam-amdenyo kayet ay mangnemnem isnan mentolayan Apo Dios et awnit itedna ken dakayo nan am-in ay masapolyo.”

Lucas 12:31 Iomraidhean Croise

Salmo 34:9

Patgenyo nan apo, dakayo ay ipogawna tay nan mangpateg ken siya et maid menkolanganda.

Salmo 37:19

Adida maabak isnan timpon di ligat ya adida kaaw-awanan isnan bitil.

Salmo 37:25

Naam-amaak et ngem enggana isdin kaongak et maid pay inil-ilak is nalinteg ay ipogaw is binaybay-an nan apo wenno is an-akda is menlimlimos

Salmo 37:3

Ngem sik-a pay et talkem nan apo dakapay ikkan nan gawis. No siya di nan ikkam et menteeka isnan naay daga ay maid om-ommat ken sik-a.

Salmo 84:11

Tay nan apo ay Dios nan mangtangtanggew isnan nemnemko ya siya nan mangsalsalaknib ken sak-en. Idyana gedan nan badang ya nan kaidayawan ya adina iyimot nan gawis ken daida ay nalinteg nan ik-ikkanda.

Mateo 6:33

Isonga paam-amdenyo kayet ay mangnemnem isnan mentolayan Apo Dios ya nan laydena ay ikkanyo et awnitna ited ken dakayo nan am-in ay masapolyo.

Lucas 10:42

Si Maria et pinilina nan mapaay tay mendedenge ken sak-en et adi makaan san dinngena.”

Lucas 12:30

Tay siya nan pilmi ay nenemnemen nan adi mamati ken Apo Dios. Ngem dakayo et getken Amayo id daya nan am-in ay masapolyo.

Juan 6:27

Adi kayo koma aped menligligat gapo isnan makan ay adi menbayag nodi anapenyo nan makan ay mang-ited isnan biyag ay maid patenggana. Sak-en ay Iyon-an Am-in di Ipogaw nan mang-idya ken dakayo isnan makan ay naay tay si Apo Dios ay Amak nan nangyali isnan kalebbengak.”

Roma 8:31

Sino ngen nan kayat da todi am-in ay ipagtek? Nan ipagpagtekda ken datako et maid polos mabalin is mangipasakit ken datako tay pilmi nan layad Apo Dios ken datako.

1 Timoteo 4:8

Tay olay no waday paay nan mangipapigsaan tako isnan awak tako ngem am-amed nan kagawisna no papigsaen tako nan mangsolsolotan tako ken Apo Dios. Tay nan maikkan ay kaneg todi et siya nan mangbadbadang ken datako isnan biyag tako id wani ya isnan biyag tako ken Apo Dios.

Hebreo 13:5

Adiyo gamgamgaman ay bomaknang nodi mapnek kayo isnan wada ken dakayo tay kinwanin Apo Dios en, “Adiyak polos taytaynan dakayo wenno mamaiden nan badangko ken dakayo.”