Lucas 12:20 - Kalin Apo Dios

²⁰ Ngem dat kanan Apo Dios ken siya, ‘Tollolka tay mateyka is labi et sino ngen di esa mang-ala isnan am-in ay kokwam?’”

Lucas 12:20 Iomraidhean Croise

Salmo 39:6

Kaneg alin-ew et kedeng nan ipogaw. Maid kapaayan di mensonisoniyana tay ipakatna ay men-ol-olnong is kinabaknang dapay adina getken no sino nan awnit mennam-ay isnan inol-olnongna.

Salmo 49:10

Getken nan ipogaw ay olay nan masilib et mateyda ya olay gedan nan makedse ya nan maid nemnemda. Am-in dadi et mateyda met laeng et taynanda nan kinabaknangda isnan tap-in di ipogaw.

Salmo 73:19

Isnan siawyan et madadaelda et pilmi nan egyatda dadat matey.

Salmo 78:30

Ngem olay no kankanenda nan binigawda et egayda kayet kapnek

Lucas 11:40

Ong-ong kayo. Si Apo Dios ay nangsapo isnan awak ay daldalosanyo et sinapona gedan nan nemnem.

1 Tesalonica 5:3

Isnan omdanan nan timpo ay deey et nan wada isnan nemnem di adi mamati et kananda en nasingpa nan biyagda ya maid madadanaganda. Dat domateng ay golpi nan dosa ay maid patenggana. Et maid somya is lomayawanda. Kaneg nan golpi ay menpasikalan nan omanak nan kaneg nan domatngan nan dosa ay maid patenggana ken daida.

1 Timoteo 6:17

Timoteo, ibagam isnan babaknang ta adida pangangatowen nan nemnemda. Baken nan kinabaknangda koma is taltalkenda tay adida getken no maitoltoloy nan kinabaknangda. Nodi si Apo Dios nan taltalkenda koma tay siya nan maid polos imotna ay mang-it-ited ken datako isnan am-in ay gawis ta ganasen tako.

1 Timoteo 6:7

Tay isnan naiyanakan tako et maid ginegen-an tako ya awnit maid gegen-an tako is iyey tako is magapo isnan batawa isnan mateyan tako.

Santiago 4:14

Ngem aykeyo gegetken di ommat is wakgat? Tay nan biyag tako et kanegna nan liboo ay wada id wani ngem maaw-awni dat mamaid.