Lucas 12:11 - Kalin Apo Dios

¹¹ No idalomda dakayo isnan apon di Judio ya isnan howis gapo isnan pammatiyo ken sak-en et adi kayo madadanagan is awnityo isongsongbat isnan sos-ootenda ken dakayo

Lucas 12:11 Iomraidhean Croise

Exodo 4:12

Ala omeyka et. Sak-en nan mangbadang ken sik-a ay menkali ya awnitak ibaga nan kanam.”

Mateo 23:34

Tay awnitak ibaa nan mamadto ya nan mamasilib ya nan men-isolsolo ay mangisolo koma ken dakayo. Ngem awnityo pateyen ya ilansa isnan kros nan tap-ina. Nan tap-ina et baigenyo isnan sinagoga dayopay kedagen nan tap-ina ay mangpaligat olay intoy omayanda.

Mateo 6:25

Siya di nan gapo ay ibagak ken dakayo en adi kayo madanagan is menkatagoyo ya is ibadoyo tay wedweda nan biyag mo nan makan ya nan awak mo nan bado.

Mateo 6:27

Olay enka mennemnenemnem ngem aykeka makaipaan-ando is biyagmo is olay esay olas?

Mateo 6:28

Dakayon abes aped madanagan is ibadoyo? Ilaenyo pod nan sabsabong ay tomotobo isnan bilbilig. Adida men-obla ya adida men-abe is badoda.

Mateo 6:31

Isonga adi kayo madanagan is kanenyo ya badoyo.

Mateo 6:34

Isonga adi kayo madanagan id wani isnan ligat ay waay awnit ommat is wakgat. Awni ta mawakgat. Tay amedyo taptapiyan nan ligatyo id wani no itaptapiyo ay mangnemnemnem isnan ligat ay awnit ommat is wakgat.”

Lucas 12:22

Dat kanan Jesus isnan papasolotna, “Siya na nan gapo ay ibagak ken dakayo en adi kayo madanagan is menkatagoyo ya is ibadoyo.