Lucas 11:32 - Kalin Apo Dios

³² Isnan mabanagan nan ipogaw et pabasolen gedan nan iNineve dakayo tay inbabawida nan basbasolda issan nangdengnganda isdin insolsolon din si Jonas dapay nan inmali ken dakayo et nangatngato mo si Jonas dapay adiyo kayet patiyen.”

Lucas 11:32 Iomraidhean Croise

Jonas 3:4

Isnan damo ay agew ay nangsolsolan Jonas isnan deey ili ay mangmangwani en, “Isnan epatpoo ay agew et awnit mabakas nan Nineve,”

Jonas 3:5

et pinatin nan iNineve nan inpabagan Apo Dios isonga ninemnemda ay mentepeda am-in. Ya am-in nan ipogaw isdi ay menlogi isnan kababaan et enggana isnan kapapatgan et ninbado is sako ay mangipaila en menbabawida.

Jonas 4:9

Ngem dat kanan nan apo en, “Ngan di kalebbengam ay aped makaliget isnan inommat isnan esek?” Dat kanan Jonas, “Owen, lebbengna ay makaligetak. Olay pay siyay gapo is mateyak.”

Mateo 12:39

Ngem dat kanan Jesus, “Palalo nan kangawin nan ipogaw id wani tay dinokoganda si Apo Dios. Kaytenyo ay omipailaak is kaskasdaaw sakayopay mamati ken sak-en ngem maid polos ipailak nodi kedeng nan kaneg din kaskasdaaw ay inommat isdin si Jonas.

Mateo 12:41

Isonga isnan mangbanagan Apo Dios isnan ipogaw et pabasolen nan iNineve dakayo tay inbabawida nan basbasolda isnan nangdengnganda isdin insolsolon Jonas dapay nan inmali ken dakayo et nangatngato mo din si Jonas dapay adiyo kayet patiyen.

Lucas 11:31

Isnan awnit mabanagan nan ipogaw et wada nan in-ina ay reyna id Seba ay mangpabasol ken dakayo tay id kasikasin et nagapo siya isnan addaaddawi ay ili. Ngem inmey kayet ay mangdenge isnan insolon nan kasiliban ay ali ay din si Solomon. Isonga pabasolena dakayo tay adiyo polos idnge ya patiyen nan inmali ken dakayo dapay nangatngato mo si Solomon.

Hebreo 7:26

Isonga kanak en si Jesus nan kagawisan ay mangitatakdeg ken datako ken Apo Dios. Siya nan kagawisan tay nadiosan ay maid polos ngawi ken siya. Pilmi nan naitkenana ken datako tay managbasol tako. Inpangaton Apo Dios siya tapno siya nan kapatgan isnan am-in.