Lucas 10:42 - Kalin Apo Dios

⁴² Si Maria et pinilina nan mapaay tay mendedenge ken sak-en et adi makaan san dinngena.”

Lucas 10:42 Iomraidhean Croise

Salmo 119:111

Nan bilbilinmo nan tawidko ay eng-enggana. Owen, daida nan gasingko.

Salmo 119:173

Kanayonka koma ay mensasagana ay mangbadang ken sak-en tay pinilik ay mangtongpal isnan lintegmo.

Salmo 119:30

Pinilik ay adiyak dokdokogan sik-a ya tongpalek nan pangbanagmo.

Salmo 142:5

apo, mendawatak ken sik-a is badang tay sik-a nan kamangko. Sik-a et kedeng nan magapgapowan nan am-in ay masapolko engganay matatagowak.

Salmo 17:15

Ngem sak-en et awnitko ilaen sik-a tay nalintegak dakpay men-gasgasing tay wadaka ken sak-en.

Salmo 27:4

Nan esa ay dawatek isnan apo ay kakakayatko ay dawaten ken siya et makiteeak koma isnan templona enggana ay matatagowak ta makigasingak isnan kinagawisna ya ta dawatek nan panangiwanwanedna.

Salmo 73:25

Maid teken ay daydayawek id daya nodi sik-a et kedeng ya olay isnan naay batawa et kedengka kayet is patpatgek.

Marcos 8:36

Ay waday ganaben di ipogaw ay mangkowa isnan am-in ay kinabaknang isnan batawa no matey daet adi dawaten Apo Dios? Maid adi.

Lucas 10:39

Wada nan innodin Marta ay si Maria ay mangdedenge isnan isolsolon Jesus.

Lucas 11:1

Isnan namingsan et ninlowalo si Jesus ken Apo Dios. Dat kanan nan esay pasolotna ken siya, “Apo, itdowam dakami ay menlowalo ay kaneg nan inikkan Juan ay nang-itdo isnan papasolotna.”

Lucas 12:20

Ngem dat kanan Apo Dios ken siya, ‘Tollolka tay mateyka is labi et sino ngen di esa mang-ala isnan am-in ay kokwam?’”

Lucas 12:33

Isonga ilakoyo nan kokwayo dayopay ited nan lakona isnan kokodokdo et kanegyo isagana nan sopot ay adi madondonot tay id daya nan kad-an di kinabaknangyo et isdi adi makeskesayan ya maiwed mangakew is makasag-en ya maiwed ataming is mangbotbot.

Lucas 16:2

Isonga danat paayagan et kanana, ‘Ayta dan dinngek ay keg todi nan ik-ikkam? Iyalim am-in nan listaan nan ay-ayowanam ay kokwak tay kaanek et sik-a isnan oblam.’

Lucas 16:25

Ngem dat kanan Abraham, ‘Nemnemem anakko, issan natatagowam et wada am-in nan kaykayatmo dapay si Lazaro et napalpaligatan ngem id wani gan-ganasena isna dapay ta mapalpaligatanka abes issa.

Lucas 18:22

Dinngen pay Jesus danat kanan, “Wada pay nan esang ay kolangmo. Ilakom am-in nan kokwam damet ipakdaw isnan kokodokdo nan lakona dakat mang-onod ta maitapi ken sak-en et awnit wada nan kinakadangyanmo id daya.”

Lucas 8:18

Isonga dengngenyo ay gawis nan isolok tay nan mamati isnan isolsolok et masilawan nan nemnemna ta maawatana dat taptapiyan Apo Dios nan getkena. Ngem nan ipogaw ay adi mangidnge ya adi mamati et awnit mamaid nan atiatik ay getkena.”

Juan 11:1

Wada id Betania ay ili id Judea nan tolo ay sin-ag-i ay kangadan is Maria, Marta, ya Lazaro. Si Maria ay naay et siya nan nangibokbok isnan menbango ay lana isnan sikin Apo Jesus danapay iponas nan bookna. Ninsakit si Lazaro

Juan 11:19

isonga adoado nan Judio ay inmey nangliwliwaliw ken da Marta ken Maria gapo isnan nateyan nan besatda.

Juan 12:3

Dat alaen Maria nan esay palanggo ay nangina ay menbango ay lana ay makwani en naldo et ibokbokna isnan sikin Jesus danat ponasan isnan bookna daet napno nan baey isnan bangon nan lana.

Juan 17:3

Nan gapo ay matagotago nan ipogaw ay eng-enggana et nan pangtekanda ay sik-a et kedkedeng nan tet-ewa ay Dios ya nan pangtekanda ken sak-en ay Kristo ay inbaam.

Juan 4:14

ngem nan mang-inom isnan idyak ay danom et adi kaew-ewew. Tay nan danom ay idyak et menbalin ay kaneg balaan ay adi katkatdok isnan awakna ay mang-idya ken siya is biyag ay eng-enggana.”

Juan 5:24

Dat itoloy Jesus ay mangwani, “Ibagak nan tet-ewa, am-in ay mangidnge isnan ibagbagak ya mamati isnan nangibaa ken sak-en et matagotago ay eng-enggana ya adi kadosdosa. Napakawan et nan basbasolna isonga makitetee ken Apo Dios ay eng-enggana.

Juan 6:27

Adi kayo koma aped menligligat gapo isnan makan ay adi menbayag nodi anapenyo nan makan ay mang-ited isnan biyag ay maid patenggana. Sak-en ay Iyon-an Am-in di Ipogaw nan mang-idya ken dakayo isnan makan ay naay tay si Apo Dios ay Amak nan nangyali isnan kalebbengak.”

1 Corinto 13:3

Olay pigasek nan am-in ay bonagko ay mangipakdaw ya itapik nan awakko ay mapoowan ay matey ngem no baken nan layadko isnan kaipoipogaw is gapona et maid ganabek isnan mang-ikkanak is dana.

Galacia 5:6

Tay nan ipogaw ay maitatapi ken Jesu Kristo et baken nan ninpasegyatana wenno nan egayna ninpasegyatan is gapo ay gawis nan nemnem Apo Dios ken siya. Nodi nan gapo na et nan pammatina ay maipaila isnan manglaylaydana isnan ib-ana ay ipogaw.

Deuteronomio 30:19

Napatepateg nan naay ibagbagak ken dakayo tay no makakali koma nan daya ya nan batawa ta daida nan menkali pala ken sak-en et daida nan mang-ipanemnem isnan ipapilik ken dakayo id wani. Naay nan ipapilik ken dakayo, ay laydenyo nan bindisyon nan apo ay nan biyag wenno nan dosana ay tetey? Isonga piliyenyo koma nan biyag ta matagotago kayo ya nan aan-akyo ya nan aap-oyo.

Josue 24:15

No adiyo kayten ay mensilbi isnan apo et menpili kayo id wani no sino nan silbiyanyo. Ay silbiyanyo nan sinangdidios ay dinaydayaw din alal-apoyo isdin kawad-anda id Mesopotamia wenno nan dios di Amorreos ay akindaga isnan Canaan ay menteteanyo id wani. Ngem sak-en pay ya nan pamilyak et nan apo nan mensilbiyanmi.”

Josue 24:22

Dat kanan Josue ken daida en, “Dakayo ngalod mismo nan mangpaneknek isnan nangpiliyanyo ay mensilbi isnan apo.” Dadat kanan en, “Owen, paneknekanmi.”