Lucas 10:27 - Kalin Apo Dios

²⁷ Dat songbatan san men-is-isolo, “Masapol ay laylayden tako ay ostoosto si Apo Dios ay Apo tako isnan nemnem ya poso tako ya isnan am-in ay ik-ikkan tako ya masapol gedan ay laylayden tako abes nan iib-a tako ay kaneg nan pananglayad tako isnan awak tako.”

Lucas 10:27 Iomraidhean Croise

Levitico 19:18

Adi kayo men-ibab-aes wenno itotoloy ay mangliliget isnan ib-ayo nodi laylaydenyo daida ay kaneg nan pananglayadyo isnan awakyo. Sak-en nan apo.”

Mateo 19:19

Masapol ay tongpalem da amam ken inam ya laylaydem nan iib-am ay keg nan pananglayadmo isnan awakmo.”

Lucas 10:26

Dat sooten abes Jesus ken siya, “Ngan nan kanan nan linteg isnan liblon Apo Dios? Ngan nan mang-awatam?”

Roma 13:9

Tay nan bilbilin ay mangmangwani en adi kayo menkamkamolala ya adi kayo menpatpatey ya adi kayo mangak-akew ya adi kayo men-ap-apal wenno nan kompolmi ay tapin di bilin et matongpalda am-in isnan esay bilin ay mangwani en laylaydem nan iib-am ay kaneg nan manglaylaydam isnan awakmo.

Galacia 5:13

Bebsatko, kayat Apo Dios ay mawayaan kayo ta adi kayo mapilpilit ay mangsolot isnan linteg Moses. Ngem adiyo kanan en nawayaan kayo isnan linteg ta ikkanyo nan kompolmi ay kayatyo. Nodi menbinadang kayo gapo isnan menlinayadanyo.

Deuteronomio 30:6

Awnit menbalinen nan apo ay Diosyo dakayo ya nan ap-oyo ay managtongpal tapno laylaydenyo siya isnan am-in ay nemnemyo ta matagotago kayo isnan sana ay ili.

Deuteronomio 6:4

Nenemnemenyo na dakayo ay Israelita. Nan apo et siya et kedeng nan Dios tako ay maid teken.

Deuteronomio 6:5

Masapol ay laylaydenyo ay ostoosto nan apo ay Diosyo isnan nemnemyo ya kabaelanyo ya isnan am-in ay ik-ikkanyo.

Hebreo 8:10

Ngem siya na nan balo ay makitolagak isnan magapo ken Israel. Kanak en awnitak ipagtek nan lintegko isnan nemnemda. Ipanemnemko ken daida ta adida polos kalkalingkingan. Awnit sak-en nan Diosda ya daida nan ipogawko.

Santiago 2:8

Gawis nan ikkanyo no tongtongpalenyo nan kapatgan ay linteg Apo Dios ay naisolat id sang-adom ay mangwani en, “Masapol ay laylaydem nan ib-am ay kaneg nan manglaydam isnan awakmo.”

1 Juan 3:18

Dakayo ay kanegko an-ak, ipaila tako nan layad tako isnan ib-a tako isnan mang-ikkanan tako isnan gawis ken daida. Siya di nan kailasinan nan tet-ewa ay layad. Adi omanay no kedeng nan mangmangwaniyam en laylaydem nan ib-am nodi masapol ay ipailam isnan ik-ikkam.