Lucas 1:7 - Kalin Apo Dios

⁷ Ngem maid anakda tay adi makaanak si Elisabet dadapay gedan nain-ina ya naam-ama.

Lucas 1:7 Iomraidhean Croise

Genesis 17:17

Ninlokbob si Abraham ay mendayaw ngem dat men-ammeng issan nangnemnemana en, “Ay omanak di lalaki no sin-gasot nan tew-ena? Ay omanak si Sara dapay siyampoo nan tew-ena?”

Genesis 18:11

Si Abraham et naam-aam-ama ya nain-iin-ina abes si Sara et natdok nan basana

Genesis 25:21

Nabayag ay nin-aasawa da Isaac ken Rebecca dadapay adi kayet omanak isonga dat menseg-ang si Isaac isnan apo ta omanakda koma. Dat tongpalen nan apo nan lowalon Isaac et maliton si Rebecca.

2 Aali 4:14

Issan kinmaanan san babai dat kanan Eliseo ken Gehazi en, “Ngan pay ngalod di maibadangko ken siya?” Dat kanan Gehazi en, “Maid met anakna dapay naam-ama et si asawana.”

Lucas 1:5

Naay da nan inom-ommat. Isdin nintolayan Herod isnan probinsiya ay Judea et wada nan esay padi ay kangadan is Zacarias ay ib-an nan papadi ay kaapo isdin si Abias. Nan asawan Zacarias et si Elisabet ay anak gedan di padi.

Lucas 1:6

Gawis nan ogalida ay sin-asawa isnan pangiilaan Apo Dios tay pinatpatida am-in nan bilina.

Lucas 1:8

Isnan esay agew inomdan nan biyang da Zacarias ay mensilbi isnan Templo.

Roma 4:19

Egay kinmapsot nan pammatina isnan nangnemnemana isnan awakna ay maid polos kabaelana ay omanak tay nganngani ay sin-gasot nan tew-ena dapay si Sara ay asawana et adi kabalin ay maliton.

Hebreo 11:11

Olay si Sara gedan ay asawan Abraham et no pay nain-ina siya ay adi makaanak ngem inmanak gapo isnan pammatina. Inmanak tay pinatina ay tongpalen Apo Dios nan inkalina ken siya.