Lucas 1:68 - Kalin Apo Dios

⁶⁸ “Madaydayaw si Apo Dios ay Dios tako ay Judio tay inmali ay mangbadang isnan ipogawna danapay sobten daida ta adida madosdosa gapo isnan basbasolda.

Lucas 1:68 Iomraidhean Croise

Salmo 106:48

Madayaw nan apo ay Dios di Israelita. Owen, madayaw siya ay eng-enggana. Sapay koma ta aboloyan nan kaipoipogaw. Madayaw nan apo.

Salmo 111:9

Winayaana nan ipogawna daet makitolag ken daida is tolag ay eng-enggana. Manakabalin siya ya maid polos kangawina.

Salmo 130:8

Et awnitna sobten nan Israelita ay ipogawna isnan basbasolda.

Salmo 41:13

Madaydayaw nan apo ay Dios di Israelita. Owen, madaydayaw ay eng-enggana. Sapay koma.

Exodo 4:31

et namati nan Israelita. Idi dinngeda ay inmey nan apo ay nang-ila ken daida ya gintekna nan mangpalpaligatan di iyEgipto ken daida dadat menpalintomeng ay mendayaw.

Lucas 19:44

Awnitda dadaelen sik-a ya nan ipogawmo et paapokenda am-in nan batbatom tay inadyam nan inmaliyan Apo Dios ay mangisalakan ken sik-a.”

Lucas 2:38

Isdin nangisgepanda ken Jesus et wada gedan si Ana isdi ay nin-iyaman ken Apo Dios maipanggep isnan onga danat sodsodoken nan onga isnan ipogaw ay mangses-eed isnan mangsobotan Apo Dios isnan ipogaw id Jerusalem.

Lucas 24:21

Dapay kananmi en siya koma nan mangisalakan id Israel. Owen, et baken kedeng di. Id wani nan maikatlo ay agew enggana isdin nateyana.

Lucas 7:16

Am-in ay wada isdi et palalo nan egyatda dadat dayawen si Apo Dios ay mangmangwani en, “Esay mamadton Apo Dios nan naay inmali ken datako.” Dapay kanan es nan ib-ana, “Inmali si Apo Dios ay mangisalakan ken datako ay ipogawna.”

Efeso 1:3

Dadama nan panangdayaw tako ken Apo Dios ay Dios ya Aman Jesu Kristo ay Apo tako. Gapo isnan maitatapiyan tako ken Jesu Kristo et dadama nan badang Apo Dios ken datako tay inpaiyalina isnan Ispiritona nan am-in ay gawis ay nagapo id daya.

Efeso 1:7

Nan basan Jesu Kristo ay inmayos isdin nateyana et siya nan nangsakbot ken datako isnan basbasol tako isonga pinakawan Apo Dios datako. Gapo tay managseg-ang siya

Hebreo 9:12

Et isnan sinonggepan Jesus isnan tet-ewa ay kad-an Apo Dios ay naiyaligan nan kowalto ay kananda en Kadiosan ay Kowalto et baken basan di kakalding wenno bakbaka nan inyeyna. Nodi inyeyna nan osto ay basana tay nan nateyana nan gapo ay maisalakan tako ay enggana. Namingsan nan sinonggepana et adi masapol ay ikkana kasin.

1 Pedro 1:3

Dayawen tako si Apo Dios ay Aman ya Dios Jesu Kristo ay Apo tako. Dayawen tako tay gapo isnan pilmi ay seg-angna intedna ken datako nan balo ay biyag gapo isnan kasin natagowan Jesu Kristo. Isonga wada nan gawigawis ay namnamaen tako ay awnit tet-ewa matongpal.