Lucas 1:63 - Kalin Apo Dios

⁶³ Dat menpaala si Zacarias is mensolatana et isolatna, “Nan ngadana et Juan.” Et nasdaawda am-in ay wada isdi issan nangbasaanda.

Lucas 1:63 Iomraidhean Croise

Proverbio 3:3

Adim kak-aanen nan layad ya talek isnan ogalim nodi kanegmo iyoway isnan bagangmo ya ippeymo isnan nemnemmo.

Habakuk 2:2

Naay nan kinwanin nan apo ken sak-en, ‘Isolatmo ay osto isnan nadadampig ay bato nan kanak tapno nalaka ay mabasa.

Mateo 8:10

Nasdaaw si Jesus isnan dinngena danat kanan isnan ipogaw ay omon-onod ken siya en, “Ibagak ken dakayo en maid polos dinasdas-ak is napigpigsa ay talek isnan Judio ay kaneg nan talek nan naay kapitan.

Lucas 1:13

Ngem dat kanan san anghel ken siya, “Adika omegyat Zacarias. Inmaliyak ay mangibaga ken sik-a en dinngen Apo Dios nan lowalom et awnit omanak si Elisabet ay asawam is lalaki dakat ngadanan is Juan.

Lucas 1:60

ngem dat kanan inana en, “Baken sa. Nan ngadana et Juan.”