Lucas 1:51 - Kalin Apo Dios

⁵¹ Inpailana nan panakabalina danapay bokaen nan ipogaw ay mangipapangato isnan nemnemda ya nan nemnemnemenda ay ikkan.

Lucas 1:51 Iomraidhean Croise

Genesis 11:8

Et gapo tay adida menkinaawatan dadat isaldeng san sas-aadenda dat komaan nan tap-ina et omeyda isnan nateketeken ay ili isnan batawa.

Genesis 6:5

Idi inilan nan apo ay nginmawi am-in nan ik-ikkan nan ipogaw isnan batawa ya ngawi et kedeng nan nenemnemenda

Genesis 8:21

Nan songsong nan mapoowan ay maigasing ken Apo Dios et laylaydena danat kanan isnan nemnemna, “Adiyak kasin eng-engewen nan batawa gapo isnan ik-ikkan nan ipogaw tay getkek ay ngawi ay sigod nan nemnemda. Adiyak gedan eng-engewen nan am-in ay matmatago ay kaneg nan inikkak.

Salmo 118:15

Madnge nan lagsak di nangabak isnan kad-an di ipogaw Apo Dios ay mangmangwani en, “Kaskasdaaw nan ikkan nan apo isnan panakabalina.

Salmo 33:10

Pamaiden nan apo nan panggep nan kailiili ya iyadina nan mang-ikkananda isnan panggepda.

Salmo 52:9

Apo Dios, daydayawek sik-a ay eng-enggana gapo isnan inikkam. Ipangatok sik-a isnan ipogawmo daket ipagtek nan kinagawismo.

Salmo 63:5

Mamapnekak ay kanegak ninlagsak dakpay menkanta is kagagasing ay mangdaydayaw ken sik-a.

Salmo 89:10

Inabakmo nan kaeegyat ay Rahab tay pinateymo siya ya inwakatmo nan mang-ap-apos ken sik-a isnan kabaelam.

Salmo 89:13

Manakabalinka ya dadama nan kabaelam.

Salmo 98:1

Kantaanyo nan apo is balo ay kanta gapo isnan kaskasdaaw ay inikkana. Mangabak siya isnan panakabalina ya isnan kinalintegna.

Isaias 40:10

Ilaenyo, naay omali et nan apo ay kangatowan ay mentolay isnan panakabalina ya ikakawitna nan kaipoipogaw ay insalakana.

Isaias 51:9

Magidoka apo ta badangam kad dakami. Osalem nan panakabalinmo ta isalakanmo dakami ay kaneg san inik-ikkam id kasikasin, tay inabakmo nan iyEgipto

Isaias 52:10

Osalen nan apo nan nadiosan ay panakabalina ay mang-isalakan isnan ipogawna et awnit ilaen nan am-in ay ipogaw isnan batawa.

Roma 1:21

Getkenda ay wada si Apo Dios ngem adida kayet patgen dapay siya nan osto ay mapateg ya adida mensalamat ken siya. Nodi nan nemnemda et ninbalin is maid polos paayna isonga am-amed menbolinget nan nemnemda.

2 Corinto 10:5

Abakenmi am-in nan lason nan ipogaw ay mang-adi isnan am-in ay maipanggep ken Apo Dios. Abakenmi abes nan ipapangatoda ay mangsosolin ken daida isnan mangtekanda ken Apo Dios. Isonga sokatanda nan nemnemda tapno si Kristo nan patiyenda.

Deuteronomio 4:34

Ay waday teken is dios is nang-ikaan isnan kaipoipogaw ay itoltolayan di teken ay ili ay kaneg nan inikkan nan apo ay Diosyo id Egipto? Inilayo met nan nangpaligatana ken daida isnan nang-ikkanana isnan kaskasdaaw, kaeegyat ya nan nanggobatana ken daida gapo isnan panakabalina.

1 Pedro 5:5

Dakayo ay bibinayan ay somolsolot et wada abes nan ibagak ken dakayo. Kanak en masapol ay patiyenyo ay gawis nan it-itdon nan mangipangpango ken dakayo. Adiyo ipapangato nan nemnemyo. Managkoya kayo am-in tay kanan nan naisolat ay kalin Apo Dios en, “Adyan Apo Dios nan menpapangato ngem badbadangana nan mangipabababa isnan nemnemna.”

Naipagtek 18:8

Isonga gapo tay kaneg todi nan nemnemna et awnit mawanada isnan sin-agew nan nateketeken ay ligatna. Awnit omdan nan adoado ay sakit, dadama ay seg-ang ya bitil dapay mapoowan tay si Apo Dios ay mangbanag ken siya et pilmi nan kabaelana.” Siya di nan kinwanin san kali ay nagapo id daya.