Lucas 1:49 - Kalin Apo Dios

⁴⁹ gapo isnan kaskasdaaw ay inikkan nan manakabalin ay Dios ken sak-en isonga madaydayaw nan ngadana.

Lucas 1:49 Iomraidhean Croise

Genesis 17:1

Idi siyampoo ya siyam nan tew-en Abram dat menpaila kasin nan apo ken siya et kanana, “Sak-en si Apo Dios ay manakabalin. Tongtongpalem sak-en ta adim ik-ikkan nan ngawi.

Salmo 111:9

Winayaana nan ipogawna daet makitolag ken daida is tolag ay eng-enggana. Manakabalin siya ya maid polos kangawina.

Salmo 24:8

Sino ngen pay sa ay kadayawan ay Ali? Siya nan apo ay manakabalin ya napigsa, apo ay adi kaabak.

Salmo 99:3

Sapay koma ta dayawenda sik-a ay napateg ya manakabalin. Nan apo et maid polos kangawina.

Salmo 99:9

Ipangato tako nan apo ay Dios tako. Mendaydayaw tako isnan napateg ay biligna tay nan apo ay Dios tako et maid polos kangawina.

Isaias 57:15

Sak-en nan nangato ya manakabalin ay Dios ay matatago ay eng-enggana. Nan kad-ak et nangato ya nadiosan ngem makiteeak gedan isnan mang-ipababa isnan awakda ya mang-ibabawi isnan basolda tapno kasinko pabalinen daida ay matalek ya ta waday namnamada.

Isaias 6:3

Idayday-engda isnan wasdin esa en, “Maiwed polos makaiso ken Apo Dios. Siya et kedeng nan kangatowan ya kaostowan. Am-in ay binoliwna et ipailada nan kinaostona ya nan kinangatona.”

Jeremias 20:11

Ngem sik-a apo ay manakabalin nan wada ken sak-en isonga nan mang-aamis et adida makaabak ken sak-en ya adi makalkalkalingkingan nan maibabainanda.

Marcos 5:13

Dat ipalobos Jesus et taynanda san am-ama et kaptenda nan kabetebeteg. Dat kanega naong-ong san kabetebeteg et asida tatagtag ay omey isnan deppas dadat matekdag am-in isnan baybay et malimonda. Waay doway libo nan kabibilang san beteg ay natey.

Lucas 1:48

Tay nenemnemena sak-en ay baana. Et menlogi id wani kanan am-in nan ipogaw en nagasatak

Lucas 1:50

Maseg-ang isnan am-in ay mangdayaw ken siya enggana isnan ipogaw id sang-adom ya nan awnit maiyanak.

Efeso 3:20

Madaydayaw si Apo Dios ay manakabalin ay mangbadbadang ken datako tay olay no ngan di dawaten tako wenno nemnemen tako et mabalin ay ikkana tay napigsa nan kabaelana ay mang-ikkan mo nan aped tako nenemnemen.

Naipagtek 15:4

Maid polos adi mangpateg ken sik-a, Apo. Maid polos gedan mang-adi ay mangipagtek isnan kinangatom tay sik-a et kedeng nan kasasantowan. Isonga awnit omali nan ipogaw isnan am-in ay ili ay mangdayaw ken sik-a tay inil-ilada am-in nan ostoosto ay ik-ikkam.”

Naipagtek 4:8

Am-inda et napapayakanda is sag-en-em et nakikilop nan ninsinombangil ay payakda is kamatamata. Inagew ya linabi et adida isalsaldeng ay menkankanta ay mangmangwani en, “Maiwed polos makaiso ken Apo Dios isnan kinangatona ya nan kinaostona. Mawawawawada siya ay maid logina wenno patenggana.”