Lucas 1:46 - Kalin Apo Dios

⁴⁶ Dat kanan Maria, “Dadama nan panangdayawko ken Apo Dios

Lucas 1:46 Iomraidhean Croise

Salmo 35:9

Daket menlagsak gapo isnan inikkan nan apo ya men-gasingak isnan nang-isalakanana ken sak-en.

Isaias 45:25

Sak-en ay apo nan awnit mang-isalakan isnan am-in ay ap-on Jacob et awnitda mangdayaw.”

Isaias 61:10

Men-gasingak gapo isnan inikkan nan apo tay kanegna pinabadowan sak-en is gawigawis tay inpabadona ken sak-en nan mang-isalakanana ya nan kinalintegna ay intedna ken sak-en et kanegak nan napinapintas ay babai ay menaapang is gawigawis ay nakasagana isnan omayan nan mang-asawa ken siya.

Roma 5:11

Ngem baken kedeng dadi is gawis tay id wani et pilmi nan gasing tako gapo isnan mangtekan tako ken Apo Dios gapo ken Apo Jesu Kristo ay nangipagayyem ken datako ken siya.

1 Corinto 1:31

Isonga kaneg nan naisolat id kasin en no waday ipangato tako et baken nan awak tako nodi si Kristo nan maipangato.

2 Corinto 2:14

Idi dinatngak siya et gawigawis nan inbagana ken sak-en isonga pilmi nan nangdayawak ken Apo Dios. Daydayawek siya tay isnan maitatapiyanmi ken Kristo et si Apo Dios nan Apomi ay mangipangpango ken dakami tapno am-in ay omay-ayanmi et osalena dakami ay mangibaga isnan gawigawis ay damag.

Filipos 3:3

Ngem datako nan tet-ewa ay an-ak Apo Dios tay baken kadi nan segyat di kailasinan nan tet-ewa ay anakna nodi nan mangdaydayawan tako ken Apo Dios isnan kabaelan nan Ispirito Santo ya nan mangipapangatowan tako ken Jesu Kristo. Siya nan osto ay talken tako, ay baken nan maikkan isnan awak tako ta katongpalan nan linteg ay kaneg nan kasegyatan di ipogaw.

Filipos 4:4

Kanayon ay men-gasing kayo koma gapo tay wada si Jesu Kristo ken dakayo. Kasinek kasin ay mangwani en men-galalasing kayo koma.

1 Tesalonica 5:23

Sapay koma ta si Apo Dios ay mangipasingsingpa isnan nemnem tako nan mangipagawgawis ken dakayo isnan am-in ay nemnemyo ya am-in ay ikkanyo ta maid kadelawanyo isnan Apo tako ay si Jesu Kristo isnan kasina omaliyan.

1 Pedro 1:8

Egayyo ilaen siya ngem laylaydenyo siya kayet. Olay id wani et adi kaila ngem mamati kayo ken siya. Isonga men-galalasing kayo ay pilmi ay maid kakwaniyana