Lucas 1:42 - Kalin Apo Dios

⁴² Dat ibiyad Elisabet ay mangwani, “Isnan am-in ay bababai et sik-a nan kagasatan tay sik-a nan pinilin Apo Dios ya nan awnitmo iyanak abes nan kagasatan.

Lucas 1:42 Iomraidhean Croise

Genesis 22:18

Gapo ken sik-a et awnitak badangan nan adoado ay ipogaw isnan am-in ay kailiili. Owen, awnit tomet-ewana tay tinongpalmo nan inbilinko.”

Salmo 21:6

Kanayon ay binbindisyonam siya ya nan kawad-am nan pilmi ay men-gasgasingana.

Salmo 45:2

Kagowapowanka isnan lalalaki isnan batawa ya menlamnin nan kalim tay binindisyonan Apo Dios sik-a ay eng-enggana.

Lucas 1:28

“Men-gasingka. Nagasatka ay babai tay sik-a nan pinilin Apo Dios.”

Lucas 1:41

Issan nangdengngan Elisabet isnan kalin Maria dat menkiwi nan onga isnan egesna et takdowen nan Ispirito Santo siya ay mang-itdo isnan kanana.

Lucas 1:43

Nagasatak tay inmalika ay inan Kristo ay Apok.

Lucas 1:48

Tay nenemnemena sak-en ay baana. Et menlogi id wani kanan am-in nan ipogaw en nagasatak

Lucas 19:38

Kankananda en, “Hosanna. Mabindisyonan nan naay Ali tako. Madaydayaw nan ngadan Apo Dios isnan natalna ay daya.”

Roma 9:5

Nan alal-apoda et napategda ay ipogaw id kasikasin. Et si Kristo ay kangatowan ay Dios et Judio siya isnan ninbalinana is ipogaw. Madaydayaw siya koma ay eng-enggana.

Hebreo 12:2

Nemnemnemen tako ay kanayon si Jesus tay siya nan ostoosto ay mangipaila isnan tet-ewa ay pammati. Initpena nan nangilansaanda ken siya isnan kros ay maid polos lilina. Egayna polos nemnemnemen nan naipababainana tay ninemnemna nan pilmi ay gasingna no makwas nan oblana ay mangisalakan ken datako. Et id wani wada siya ay tomotokdo isnan kad-an di kapatgan ay wada isnan makanawan nan tomotokdowan Apo Dios ay mentoltolay.