Lucas 1:41 - Kalin Apo Dios

⁴¹ Issan nangdengngan Elisabet isnan kalin Maria dat menkiwi nan onga isnan egesna et takdowen nan Ispirito Santo siya ay mang-itdo isnan kanana.

Lucas 1:41 Iomraidhean Croise

Genesis 25:22

Nan inyanakna et ipi ngem dadama nan kiwida esadapay bomala et kanegda mendamdama isnan egesna isonga kinwanin Rebecca, “Adiyak makaitpe isnan kaneg tona ay om-ommat ken sak-en!” Isonga danat sooten isnan apo.

Salmo 22:10

Enggana isdin binmalaak et sik-a nan nintaltalkak ya sik-a nan Diosko menlogi isdin naboliwak.

Lucas 1:15

tay awnit madaydayaw siya ken Apo Dios. Masapol ay adi omin-inom is bomoteng. Olay isnan kaililitonana et wada et nan Ispirito Santo ken siya.

Lucas 1:40

Omdan pay danat kanan ken Elisabet, “Inmaliyak ay mang-ila ken dakayo.”

Lucas 1:42

Dat ibiyad Elisabet ay mangwani, “Isnan am-in ay bababai et sik-a nan kagasatan tay sik-a nan pinilin Apo Dios ya nan awnitmo iyanak abes nan kagasatan.

Lucas 1:44

Tay nan nangdengngak isnan kalim dat menkiwi nan onga isnan egesko gapo isnan gasingna.

Lucas 1:67

Si aman Juan ay Zacarias et tinakdon nan Ispirito Santo danat kanan en,

Lucas 4:1

Tinakdon nan Ispirito Santo si Jesus issan nabonyagana isnan ginawang ay Jordan danat ipango siya isnan bilig.

Aapostolis 2:4

Dadat wasdin nakapet isnan Ispirito Santo et wasdin menkali isnan teken ay kali ay egayda solowen tay inpakalin nan Ispirito Santo daida.

Aapostolis 4:8

Dat itdowan nan Ispirito Santo si Pedro is isongbatna et kanana, “Dakayo ay ap-apomi ya aam-ami,

Aapostolis 6:3

Isonga dakayo ay kadwami ay mamati ken Jesus et pomili kayo is pito ay nalaing ay amam-a ay managpati isnan Ispirito Santo ta daida nan dotokanmi ay mangiwalas isnan makan.

Aapostolis 7:55

Ngem si Esteban et naitakdo nan Ispirito Santo daet mentangad id daya et masili isnan nang-il-ana ken Jesus ay tomatakdeg isnan makanawan Apo Dios.

Aapostolis 9:17

Dat tet-ewa omey si Ananias et songgep isnan baey ay mentetean Saulo. Danat gen-an siya et kanana, “Besat ay Saulo, nan Apo tako ay si Jesus ay ninpaila ken sik-a isnan daan isnan inmaliyam et siya met laeng nan nangibaa ken sak-en ay omaliyak ken sik-a ta kasinka makaila ya ta kapten nan Ispirito Santo sik-a.”

Efeso 5:18

Adi kayo menbotboteng tay nan maboteng et adina getken nan kankanana ya nan ik-ikkana. Nodi nan Ispirito Santo koma nan mangipanemnem ken dakayo isnan gawis.

Naipagtek 1:10

Ngem isnan esay agew ay Domingo et kinapet nan Ispiriton Apo Dios sak-en daket dengngen nan napigsa ay kali isnan dodokogek ay kaneg tanggoyob.