Lucas 1:33 - Kalin Apo Dios

³³ et siya nan men-alin di Judio ay eng-enggana.”

Lucas 1:33 Iomraidhean Croise

2 Samuel 7:13

Awnit siya nan mangsaad is Templo pala ken sak-en ya awnit maid patenggan nan mentolayan di an-ak ya ap-ona.

2 Samuel 7:16

Awnit wawawawada nan aap-om dakpay ipatoltoltoloy nan mentolayam. Awnit maid patenggan nan mentolayan di aap-om.’ ”

Salmo 45:6

Nan mentolayam ay inidyan Apo Dios ken sik-a et maid patenggana. Nan ik-ikkam ay mentolay et ostoosto.

Salmo 89:4

‘Ipatolayko nan aap-om ay men-ali ay eng-enggana. Owen, paknegek ta maid patenggan nan mentolayam.’ ”

Isaias 9:7

Nan itolayana et omad-ad-ado ya awnit nan lamnin et eng-enggana tay siya nan mangtawid isnan mentolayan din alapona ay si Ali David. Menlogi id wani et enggana et nan osto ya nalinteg nan ikkana isnan mentolayana. Tet-ewa ay ikkan nan apo ay manakabalin am-iam-in dana tay siya nan kayatna ay maikkan.

Jeremias 23:5

Nganngani et nan timpo ay mangpiliyak isnan osto ay ali ay magapo isnan ap-on din si David. Nan ali ay deey et awnit masilib et awnit osto ya nalinteg nan ikkana.

Mateo 1:1

Naay nan kaibagaan din alal-apon Jesu Kristo. Siya nan apon din si Ali David ay apon abes din si Abraham.

Mateo 28:18

Dat somag-en si Jesus ken daida et kanana, “Naited ken sak-en nan am-in ay kabaelan id daya ya isnan batawa.

Lucas 1:34

Dat kanan Maria issan anghel, “Ngem intoy ikakkana ay malitonanak dapay maid polos kaseyseyepko is lalaki?”

Roma 9:6

Ngem olay no ad-adyan nan adoado ay Judio ay mangpati ken Jesus et adi kabalin ay kanan tako en maid paay nan inkalin Apo Dios ken daida. Nodi tongpalen Apo Dios tet-ewa nan inkalina isnan ipogawna am-in ay baken kedeng nan Judio. Tay baken am-in ay nagapo isdin si Israel et ipogaw Apo Dios.

Galacia 3:29

Isonga no maitatapika ken Kristo et apon Abraham sik-a et nakitawidka isnan inkalin Apo Dios ken siya.

Galacia 6:16

Sapay koma ta liknaen nan am-in ay mangpatpati isnan kakakwanik nan seg-ang ya nan natalna ay nemnem ay magapgapo ken Apo Dios. Daida nan ipogaw Apo Dios olay no Judio wenno baken.

Filipos 3:3

Ngem datako nan tet-ewa ay an-ak Apo Dios tay baken kadi nan segyat di kailasinan nan tet-ewa ay anakna nodi nan mangdaydayawan tako ken Apo Dios isnan kabaelan nan Ispirito Santo ya nan mangipapangatowan tako ken Jesu Kristo. Siya nan osto ay talken tako, ay baken nan maikkan isnan awak tako ta katongpalan nan linteg ay kaneg nan kasegyatan di ipogaw.

Hebreo 1:8

Ngem nan kinwanina isnan Anakna et, “Maid patenggan nan mentolayam, Apo Dios. Nan ik-ikkam ay mentolay et ostoosto

Naipagtek 11:15

Idi nintanggoyob nan maikapito ay anghel dat wada nan napigsa ay kakalikali id daya ay mangmangwani en, “Menlogi id wani et maid teken is mentolay isnan batawa no baken kedkedeng nan Apo tako ya nan inbaana ay si Kristo et daida nan mentoltolay ay eng-enggana.”