Lucas 1:25 - Kalin Apo Dios

²⁵ Danat kanan, “Men-gasingak tay sineg-angan Apo Dios sak-en et kinaana nan maibabainak isnan ipogaw.”

Lucas 1:25 Iomraidhean Croise

Genesis 25:21

Nabayag ay nin-aasawa da Isaac ken Rebecca dadapay adi kayet omanak isonga dat menseg-ang si Isaac isnan apo ta omanakda koma. Dat tongpalen nan apo nan lowalon Isaac et maliton si Rebecca.

Isaias 25:8

Awnit pamaiden nan kangatowan ay apo nan tetey ta adiyet matmatey nan ipogaw et awnitna kaanen nan am-in ay gapo ay men-ag-agaanda. Awnitna kaanen nan kaibabainan di ipogawna. Nan apo ay mismo nan nangwani isna.

Lucas 1:13

Ngem dat kanan san anghel ken siya, “Adika omegyat Zacarias. Inmaliyak ay mangibaga ken sik-a en dinngen Apo Dios nan lowalom et awnit omanak si Elisabet ay asawam is lalaki dakat ngadanan is Juan.

Lucas 1:24

Egay pay nabayag daet maliton si Elisabet et limay bowan ay ninlolololokok is baeyda.

Hebreo 11:11

Olay si Sara gedan ay asawan Abraham et no pay nain-ina siya ay adi makaanak ngem inmanak gapo isnan pammatina. Inmanak tay pinatina ay tongpalen Apo Dios nan inkalina ken siya.