Lucas 1:20 - Kalin Apo Dios

²⁰ Ngem gapo tay adika patiyen nan kinwanik et maomelka enggana ay omdan nan agew ay ommatana tay tet-ewa ay ommat isnan osto ay timpona.”

Lucas 1:20 Iomraidhean Croise

Exodo 4:11

Dat kanan nan apo en, “Ay sino nan nangsapo isnan topek di ipogaw? Sino nan mangpatoweng ya mangpaomel ya sino nan mang-ited isnan makailaan wenno makowapan di ipogaw? Ay baken kad sak-en ay apo?

Nomero 20:12

Dat sagiiten nan apo da Moses ken Aaron et kanana en, “Gapo tay kolang nan pammatiyo ay mangipagtek isnan panakabalinko isnan Israelita ay baken san kinwanik ay maikkan is inikkanyo et awnit baken kayo is mangipango isnan naayda ay ipogaw ay songgep isnan daga ay inkalik ay idya ken daida.”

Marcos 16:14

Dat menpaila si Jesus isnan simpoo ya esa ay papasolotna isnan mangmangananda. Danat sagiiten daida tay egayda patiyen nan kinwanin nan inmona ay nang-ila ken siya ay kasin natago. Kega kinmenteg nan oloda.

Marcos 9:19

Dat kanan Jesus ken daida. “Dakayo od id wani et adi kayo polos mamati. Nabayagak ay nakitetee ken dakayo et palalo nan anosko ngem adi kayo kayet pomati. Aye pay di anosko ken dakayo. Iyaliyo isna.”

Lucas 1:19

Kinwanin san anghel en, “Getkem tay sak-en si Gabriel ay esay bab-aaen Apo Dios et binaana sak-en ay mangibaga ken sik-a isnan naay gawis ay ommat.

Lucas 1:21

Isnan pantew di Templo et masmasdaaw nan kaipoipogaw ay mangses-eed ken Zacarias tay adi bomalbalbala.

Lucas 1:22

Ngem issan binmalaana dat mensinsinyas ken daida tay adi makakali isonga getkenda ay wada nan ninpaila ken siya.

Lucas 1:45

Kaneg ken sik-a abes men-gasingka tay patiyem ay awnit tomet-ewa nan inbagan Apo Dios ken sik-a.”

Lucas 1:64

Dat makanali si Zacarias ay mangdaydayaw ken Apo Dios.

Roma 3:3

Tet-ewa ay adi matalek nan tapina ken daida. Ngem adi kabalin ay kanan tako en adi matalek si Apo Dios.

2 Timoteo 2:13

Matalek ay pilmi si Kristo tay adi mabalin ay masokatan nan nemnemna ay olay no masokasokat nan nemnem tako.”

Hebreo 6:18

Isonga getken tako ay tet-ewa ay matongpal nan inkalin Apo Dios ken datako tay baken kedeng nan nangikaliyana nodi insapatana gedan ay tet-ewa ay tongpalena. Gapo tay kaneg todi nan inikkana et getken tako ay adina polos sokatan nan inbagana tay adi menkamkampot si Apo Dios. Isonga datako ay menpasalsalaknib ken siya et adi tako mendowadowa ay mangitoltoloy ay mangpati isnan namnamaen tako.

Naipagtek 3:19

Am-in ay laylaydek et bagbagaak ya dosdosaek daida no ngawi nan ik-ikkanda tasiyay maitdowanda. Isonga ibabawiyo nan basbasolyo ta patiyenyo sak-en ay osto.